कोपरगाव प्रतिनिधी
आपल्या लोकोपयोगी आणि सामाजिक कार्यातून नावारूपास आलेली संघटना म्हणून कोपरगांव तालुक्यातील जेऊर कुंभारी येथील शिवसुत्र युवा प्रतिष्ठान नेहमीच चर्चेत असते. ‘एकच ध्यास सर्वांगीण विकास ‘ हे
शिवसुत्र युवा प्रतिष्ठान चे ब्रीदवाक्य आता पुण्यात ही प्रसिध्द झाले आहे.
निमीत्त ठरलें ते पुण्यात आपले कर्तव्य बजावत असणारे प्रतिष्ठान चे सदस्य किरण गोरख चव्हाण, हे पुण्यामध्ये एका नामांकित कंपनीत नोकरी करत आहेत. बाहेर जाऊनही त्यांच्या फेसबूक आणि व्हॉट्स ॲप पोस्ट आणि स्टेटस ला शिवसुत्र युवा प्रतिष्ठान चे सामजिक आणि लोकोपयोगी उपक्रमाची क्षणचित्रे आणि बातम्या असतात.ते पाहून पुण्यातील सामजिक कार्यात अग्रेसर असणारी जीवनदान फाउंडेशन या संघटनेने किरण भाऊ चव्हाण यांचेशी संपर्क साधून शिवसुत्र युवा प्रतिष्ठान चे उपक्रमांचे कौतुक केले. आणि पुण्यातील २०अनाथ मुलांना एकवेळचे जेवणासाठी मदत
देण्याचे आवाहन केले. विषय पैशांचा नव्हताच.. विषय होता तो संघटनेच्या धेय्य व धोरणाशी असलेल्या जिव्हाळ्याचा.. त्यामुळे किरण चव्हाण यांनी जीवनदान फाउंडेशन चे रजिस्ट्रेशन ची सर्व कागदपत्रे तपासून,शहानिशा करून शिवसुत्र युवा प्रतिष्ठान चे वतीने लगेच रोख पावती फाडली.त्यांच्या या वृत्तीने प्रतिष्ठानच्या कार्याची पुण्यात देखील ओळख झाली शिवाय प्रतिष्ठान चे धेय्य व धोरण याप्रती सदस्यांची असलेली आत्मीयता ही पुणेकरांना पाहायला मिळाली. किरण चव्हाण यांचे हे कार्य प्रतिष्ठान साठी भूषणावह असल्याचे प्रतिष्ठान चे अध्यक्ष विशाल गुरसळ यांनी सांगितले.तर किरणच्या या कार्याने प्रतिष्ठान चे इतर सदस्यांना नक्कीच प्रेरणा मिळेल असे प्रतिष्ठानचे संस्थापक सुधाकर वक्ते यांनी सांगितले.
