कोपरगाव प्रतिनिधी
तहसिलदार विजय बोरुडे हे शनिवार दि २५ फेब्रुवारी रोजी पहाटेच्या वेळेस तपासणीसाठी ग्रामीण रुग्णालय येथे गेले असता सदर दवाखान्याचे दरवाजे बंद असता त्यांनी आवाज दिल्यानंतर दरवाजा बंद करून झोपलेली परिचारिका बाहेर आली असता तेहवा तहसीलदार यांनी तिचा कडे अधिकची विचारपूस केली असता तिचा कडे ड्युटी रजिस्टरची मागणी करत त्या रजिस्टर वर ५२ स्टाफ ची नोंद असता प्रत्यक्षात फक्त २ कर्मचारी उपस्थित असल्याचे तहसीलदार यांना त्यांचा अचानक भेटीत आढळून आले. तेहवा तहसीलदार यांनी त्या परिचारिकेस विचारणा केली की रात्री अपरात्री एखादी गंभीर केस आल्यास त्यावेळी काय करणार? असे बोलल्यानंतर सदर हजर परिचारीकेने सांगीतले की, तशाप्रसंगी आम्ही इतर स्टाफ बोलावतो. असे उत्तर प्रत्यक्षात तहसिलदार चौकशी करीत असताना सदर परिचारीकेने दिले.
दवाखान्यातील ड्युटीवरील स्टाफ गैरहजर असल्याने सदर प्रकरण गंभीर असून सर्व प्रकरण आपल्या अंगलट येईल म्हणून सदर परिचारीकेने तहसिलदार यांचेवर गंभीर आरोप करून त्यांचे विरूध्द खोटी पोलिस केस दाखल करून खोटा गुन्हा दाखल केला आहे.
एक प्रथम दर्जाचा अधिकारी गैरवर्तन करू शकत नाही, त्यांचेवर आरोप करतांना सदर परिचारीकेने
थोडाफार नितीमूल्यांचा विचार करावयास पाहिजे होता, परंतु या प्रकरणात इतर अन्य संबंधीत कर्मचाऱ्यांचा सहभाग निश्चितच आहे, हे लपुन राहाण्यासारखे नाही. सदर परिचारीका सदर रूग्णालयाचे इतर डॉक्टर, स्टाफ यांना वर नमुद गंभीर प्रकरणात वाचविण्याचा प्रयत्न करीत आहे. प्रत्यक्ष चौकशीत दूध का दूध और पाणी का पाणी आढळून येणार आहेच तेहवा तहसिलदार यांच्या प्रमाणेच सदर रूग्णालयातील गैरहजर डॉक्टर व स्टाफवर देखील गुन्हा दाखल करून त्यांना सेवेतून बडतर्फ करावे ही आमची मुख्य मागणी असून अहमदनगर जिल्ह्यातील वंचित बहुजन आघाडी ही तहसिलदार विजय बोरूडे यांच्या पाठीशी भक्कमपणे उभी असून त्यांना सदर आरोप व गुन्हयाच्या प्रकरणी न्याय मिळवून देणार असून त्यांचेवर दाखल केलेला खोटा गुन्हा व केस मागे न घेतल्यास आम्ही आपल्या जिल्हाधिकारी कार्यालय, अहमदनगर समोर तीव्र निदर्शन आंदोलन उभे करणार असून त्याच्या होणाऱ्या परिणामांची जबाबदारी शासनावर राहील याची नोंद घ्यावी असे निवेदन वंचित बहुजन आघाडीचे उत्तर महाराष्ट्र संघटक शरद खरात, जिल्हा संघटक अनिल बनसोडे, कोपरगाव तालुका अध्यक्ष सचिन दाभाडे, संजय त्रिभुवन, सुनील मोकळ, सिद्धेश खरात, वैभव चव्हाण आदी वंचित बहुजन आघाडीच्या पदाधिकाऱ्यांनी दिलेल्या निवेदनात म्हटले आहे.
