जेऊर कुंभारी वार्ताहर
कोपरगाव तालुक्यातील ग्रामीण भागात शैक्षणिक दृष्ट्या अग्रगण्य असणाऱ्या जोगेश्वरी इंटरनॅशनल स्कूल मधील एल के जी ते इयत्ता सहावी च्या विद्यार्थ्यांची शैक्षणिक सहल जिजाई बहूउददेशिय शैक्षणिक संस्थेचे अध्यक्ष श्री भास्करराव होन यांच्या प्रेरणेतून तसेच सचिव श्री सुनिल भास्करराव होन यांच्या मार्गदर्शनाखाली अगत्य कृषी पर्यटन स्थळ सावळीविहीर या ठिकाणी १७ जानेवारी मोठ्या उत्साहात संपन्न झाली. विद्यार्थ्यांना केवळ पुस्तकी ज्ञान गरजेचे नसून विविध प्रकारचे अनुभव प्रत्यक्ष मिळावे लागतात या अनुषंगाने विद्यार्थ्यांची दरवर्षी शैक्षणिक सहलीतून अनुभव विश्व समृद्ध केले जाते.
सकाळी गाडीची पूजन व्यवस्थापकीय संचालक श्री सागर होन प्रा सौ ज्योती खरात, सौ पल्लवी होन, सौ स्वाती वक्ते, सौ श्रद्धा पवार, सौ आरती तरटे यांनी केले व पुढील प्रवासासाठी शुभेच्छा दिल्या. सहलीसाठी अगत्या कृषी पर्यटन स्थळ हे विद्यार्थ्यांसाठी आगळे वेगळे आकर्षण ठरले यावेळी विद्यार्थ्यांनी घोडागाडी ,नॅरीकेशन टॅवर, रेन डान्स, बोटिंग ,स्विमिंग पूल, अॅडव्हेंचर सायकल, कटपुतली शो, जादूगार शो, फोटो पॉईंट्स ,पंजाबी ढोल ,ट्रॅक्टर सफारी, चिल्ड्रन प्ले एरिया ,झोका याचा विद्यार्थी व शिक्षकांनी मनसोक्त आनंद घेतला. एवढेच नाही तर गुलाबी थंडीमध्ये विद्यार्थ्यांना सकाळचा नाष्टा जेवण याचा बालगोपालांनी मनसोक्त आनंद घेतला तसेच विविध जातींचे फुलझाडे फळझाडे असल्यामुळे अगत्य कृषी पर्यटन स्थळ विद्यार्थ्यांना मनमोहक करणारे आहे विद्यार्थ्यांनी या शैक्षणिक सहलीचा मनसोक्त आनंद घेतला.
सहल यशस्वी करण्यामध्ये प्रा सौ ज्योती खरात, सौ पल्लवी होन , सौ स्वाती वक्ते, सौ श्रद्धा पवार, सौ आरती तरटे,सौ तुवर, सौ ताते, श्री बाळासाहेब होन श्री वाल्मिक होन, श्री शिवाजी जाधव यांचे मोलाचे योगदान लाभले.
