जेऊर कुंभारी वार्ताहर
शिवजयंती २०२3 निमित्ताने जि.प.प्रा.शाळा,गिरमेवस्ती(जे.कुं). हिन्दवी स्वराज्याचे संस्थापक छत्रपती शिवाजी महाराज जयंती निमित्त गिरमेवस्ती शाळेत विद्यार्थ्यानी बाल शिवाजी,जिजाऊ,मावळे अशा वेशभूषा साकारुन शालेय परिसर शिवभक्तिमय केला.विद्यार्थ्यानी आपल्या भाषणातून शिवरायांविषयी भावना व्यक्त करुण शिवरायांचा जयघोष केला.विद्यार्थिनीनी शिवरायांच्या गितांवर सुंदर नृत्य सादर केले. यावेळी विद्यार्थ्यानी महाराष्ट्राचे राज्यगीत ‘जय जय महाराष्ट्र माझा ‘ गायिले. उपशिक्षक सुदाम साळुंके यांनी शिवरायांच्या जीवनाबद्दल मनोगत व्यक्त करताना ‘आपणही जीवनात शिवरायांचा आदर्श डोळ्यासमोर ठेऊन कार्य केले पाहिजे ‘ असे सांगितले.उपशिक्षक अनुज ढुमणे यांनी शिवरायांचे फलकावर आकर्षक चित्र रेखाटन करुण मनोगत व्यक्त केले.
कार्यक्रमाचे सूत्र संचालन अनुज ढुमणे यांनी केले. आभार मुख्याध्यापिका प्रियंका जोशी यांनी मानले.
