कोपरगाव प्रतिनिधी
कोपरगाव व राहता सार्वमत कार्यालयाचे उपसंपादक नानासाहेब शेळके यांच्या मातोश्री पार्वताबाई सखाराम शेळके (वय-७६) यांचे नुकतेच मंगळवारी पहाटे ५ वाजता निधन झाले आहे.राहता तालुक्यातील आडगाव येथे शोकाकुल वातावरणात अंत्यसंस्कार करण्यात आले आहे.
त्यांच्या पश्चात पती,तीन मुले,चार मुली,सुना,जावई,नातवंडे असा परिवार आहे.धार्मिक कार्यात त्यांचा नेहमीच सहभाग होता.प्रगतिशील शेतकरी सखाराम शेळके यांच्या त्या पत्नी तर वसंत शेळके,कैलास शेळके व सार्वमतचे उपसंपादक नानासाहेब शेळके यांच्या त्या मातोश्री होत्या.
त्यांच्या निधनाबद्दल कोपरगाव नगरपरिषदेचे माजी नगराध्यक्ष विजय वहाडणे,राज्य पतसंस्था फेडरेशनचे अध्यक्ष ओमप्रकाश कोयटे,भारत संचार निगमचे संचालक रवींद्र बोरावके तसेच सार्वमत परिवार , म.राज्य मराठी पत्रकार संघ कोपरगाव यांनी दुःख व्यक्त केले आहे.
