कोपरगाव प्रतिनिधी
संत जनार्दन आश्रम परिसरातून ११ ते १२ च्या दरम्यान जेऊरकुभांरी येथील शेतकरी बाळासाहेब चव्हाण यांची मोटारसायकल क्रं.एम एच१७ क्यू ३३०५ या यमाहा कंपनीच्या मोटारसायकलची धूम स्टाईलने चोरी करण्यात आली असून चोरी करणाऱ्याचे फुटेज सीसीटीव्ही कॅमेऱ्यात कैद झाले आहे.
या संदर्भात मोटार सायकल मालक बाळासाहेब चव्हाण, शशिकांत वक्ते, सुमित चव्हाण यांनी कोपरगाव शहर पोलिस ठाण्यात तक्रार दाखल केली आहे. पोलीस निरीक्षक वासुदेव देसले यांनी आरोपीला लवकरात लवकर पकडण्यात येईल असे सांगितले आहे.
कोपरगाव तालुक्यात मोटारसायकल चोरांचा सुळसुळाट झाला आहे. वारंवार अशा घटना घडत असल्याने नागरिक त्रस्त असून याचा पोलिसांनी कायमस्वरूपी निकाल लावावा अशी नागरिकांनी मागणी केली आहे.
