कोपरगाव प्रतिनिधी
ग्रामीण भागातील विद्यार्थ्यांसाठी दर्जेदार शिक्षणाची कवाडे खुली करणाऱ्या शिक्षणमहर्षी लहानुभाऊ नागरे स्थापित रेन्बो इंटरनॅशनल स्कूलमध्ये दि.३,४,५, व ६ डिसेंबर२०२२ रोजी सी.बी.एस.ई द्वारा आयोजित क्लस्टर खो – खो स्पर्धांचे आयोजन करण्यात आले असून संपूर्ण महाराष्ट्रातून जवळपास ४५ खो -खो संघ या स्पर्धेत सहभागी होणार आहेत त्याच पार्श्वभूमी अंतर्गत शाळेमध्ये जय्यत तयारी सुरू झाली असुन संस्थेच्या इतिहासात अशा प्रकारच्या स्पर्धांचे प्रथमच आयोजन होत आहे . शाळेच्या दृष्टीने नक्कीच हा एका सुवर्णपर्वाचा आरंभ असेल असे वक्तव्य प्राचार्य सुरेश शिंदे यांनी केले .दिनांक ३ डिसेंबर २०२२ रोजी सकाळी ११.०० वाजता रेन्बो इंटरनॅशनल स्कूलमध्ये शिर्डी साईबाबा संस्थानचे मुख्य कार्यकारी अधिकारी (CEO)मा .राहूल जाधव यांच्या हस्ते या खो-खो स्पर्धांचे उद्घाटन होणार आहे . सदर प्रसंगी विश्वभारती रुरल एज्युकेशन संस्थेचे अध्यक्ष – कांतीलाल आग्रवाल , उपाध्यक्ष – वनिताताई नागरे , सचिव -संजय नागरे,
विश्वस्त – मनोज आग्रवाल , विश्वस्त – आनंद दगडे यांचीही प्रमुख उपस्थिती असणार आहे . खो – खो हा पारंपारिक खेळ असुन आपल्या भावना या खेळाशी जोडल्या गेल्या आहेत म्हणूनच पंचक्रोशीतील नागरीकांनी या वेळी प्रचंड संख्येने उपस्थित राहून खेळाचा आनंद घ्यावा व खेळाडूंना प्रोत्साहन द्यावे असे अवाहन कार्यकारी संचालक आकाश नागरे यांनी केले व सहभागी स्पर्धक संघाना शुभेच्छा दिल्या .
