कोपरगाव प्रतिनिधी
कोपरगाव तालुक्यातील चांदेकसारे गावात पंधराव्या वित्त आयोगातून विविध विकासकामे हाती घेतली असुन आगामी काळातही विकासासाठी कटिबद्ध राहू असे प्रतिपादन चांदेकसारे गावचे माजी सरपंच केशवराव होन यांनी केले.
चांदेकसारे गावची लोकसंख्या जास्त असल्याने पंधराव्या वित्त आयोगाच्या ग्रामनिधी मधून हिंदूंसाठी स्वतंत्र स्मशानभूमीचे काम सुरू करण्यात आले आहे. स्मशानभूमी परिसरात पाण्याची टाकी, वृक्षारोपण, विद्युत दिवे आदी कामे करण्यात येणार आहेत. मागासवर्गीय स्मशानभूमीसाठी फ्लेवर ब्लॉक बसविण्यात आले आहेत. जिल्हा परिषद प्राथमिक शाळेत सौर पॅनल, पिण्याच्या पाण्यासाठी पाईपलाईन, डॉ.बाबासाहेब आंबेडकर पुतळा ते चौक रस्त्यावर फ्लेवर ब्लॉक बसविण्यात आले आहेत. संजीवनी उद्योग समुहाचे अध्यक्ष बिपीनदादा कोल्हे,माजी आमदार स्नेहलताताई कोल्हे, अहमदनगर जिल्हा बॅकेचे संचालक विवेक कोल्हे यांच्या मार्गदर्शनाखाली चांदेकसारे गावात सुमरे ३० लक्ष रुपयांची विकासकामे हाती घेण्यात आली आहेत.
ग्रामपंचायतने शाळकरी मुलांसाठी भौतिक सुविधा व सुशोभीकरण करण्यात आल्याने विद्यार्थी शाळेकडे आकर्षित होत आहेत. त्याचबरोबर स्मशानभूमी परिसराचा विकास होत असल्याने नागरिकांनी समाधान व्यक्त केले आहे. आगामी काळातही गावच्या विकासासाठी आपण कटिबद्ध राहू असे प्रतिपादन माजी
सरपंच केशवराव होन यांनी केले आहे.
