कोपरगाव प्रतिनिधी
गेल्या अनेक दिवसांपासून नाही तर अनेक वर्षांपासून जेऊर कुंभारी गावात तळ होणार हे आपण सर्वजण फक्त ऐकत आलो आहे. एक विशेष म्हणजे तळ मंजूर नाही पण तळ्यासाठी निधी मात्र मंजूर झालेला आहे. या तळ्याच्या मंजुरीची प्रोसेस कुठपर्यंत पूर्ण झाली आहे हे जेऊर कुंभारीच्या कोणा गावकऱ्याला जर या मंजुरी संदर्भात माहिती असेल तर आम्हा इतर गावकऱ्यांना पण कळू दया असे आवाहन शशिकांत वक्ते यांनी केले आहे. नुकतीच बातमी ऐकली की या गावासाठी तळ्याच काम सुरू होणार असून व उद्घाटन लवकरच करण्यात येणार आहे ही बातमी खरी आहे की खोटी माहीत नाही.परंतु दिवाळी नंतर या तळ्याच्या प्रोसेस संदर्भात ग्रामपंचायत सोबत निश्चित चर्चा करण्यात येणार आहे की मंजुरी खरच मिळाली आहे की नाही आणि जर मंजुरी मिळालेली नसेल तर या मंजुरीला एवढा विलंब का होतोय. या पुढे या तळ्या संदर्भात वेळोवेळी माहिती घेतली जाईल आणि आपलं गाव तळ फक्त कागदपत्रांवरच राहणार नाही अशी अशा बाळगतो. जेऊर कुंभारी गावच्या ग्रामपंचायतीवर तसेच सदस्य व इतर अधिकारी यांच्यावर पूर्ण विश्वास आहे की गावत तळ नक्की मंजूर होईल व कामही सुरू होईल असा विश्वास शशिकांत वक्ते यांनी व्यक्त केला आहे.
