कोपरगाव प्रतिनिधी
कोपरगाव तालुक्यातील चांदेकसारे गावातील चांदे विविध कार्यकारी विकास सेवा सोसायटीची ५१ वी वार्षिक सर्वसाधारण सभा खेळीमेळीच्या वातावरणात संपन्न झाली. सभासदांना मार्गदर्शन करताना कोळपेवाडी कारखान्याचे माजी संचालक आनंदराव चव्हाण बोलताना म्हणाले की संस्थेचा सर्व निर्णय सभासदांना विश्वासात घेऊन घेतले जाईल यावेळी संस्थेचे अध्यक्ष दगु होन यांच्या अध्यक्षस्थानी ही सभा संपन्न झाली.यावेळी संस्थेचे उपाध्यक्ष शंकरराव चव्हाण , पाराजीनाना होन, मधुकर होन, आनंदराव चव्हाण, नामदेव होन, सचिन होन , शरद होन , पुंजाजी होन, अर्जुन होन , विलास चव्हाण, मुहम्मद शेख, कारभारी शेख , अदी सह सभासद उपस्थित होते. सभेच्या विषय पत्रिकेचे वाचन संस्थेचे सचिव गोरक्षनाथ फटांगरे यांनी केले.चालू आर्थिक वर्षात संस्थेने विकासाच्या दृष्टीने संस्थेने बँक व मेबर पातळीवर शंभर टक्के वसूल दिला असल्याने संस्थेचे अध्यक्ष दगु होन यांनी जाहीर केले. यावेळी प्रगतिशील शेतकरी धनंजय चव्हाण यांचा सत्कार करण्यात आला तसेच संस्थेचे व्हा. चेअरमन शंकरराव चव्हाण हे कोळपेवाडी कारखान्याचे संचालक झाल्यामुळे त्यांचा सत्कार करण्यात आला व त्यांनी संस्थेच्या व्हा. चेअमन पदाचा राजीनामा दिला व संस्थेचे संचालक मधुकर खरात यांना नवीन व्हा. चेअरमन करण्यात आले.
सूत्रसंचालन सचिव गोरक्षनाथ फटांगरे यांनी केले तर आभार विलास चव्हाण यांनी मानले.
