कोपरगाव प्रतिनिधी
कोपरगाव तालुक्यात जिल्हा परिषद प्राथमिक शाळा शहापूर शाळेत राष्ट्रीय पोषण आहार सप्ताह मोठ्या उत्साहात साजरा करण्यात आला.शाळेतील प्रत्येक विद्यार्थ्याने त्यामध्ये सहभाग घेतला. राष्ट्रीय पोषण आहार सप्ताह विषयी माहिती विद्यार्थ्यांना देण्यात आली.राष्ट्रीय पोषण आहार सप्ताह का साजरा करण्यात यावा? याचे अनमोल असे मार्गदर्शन नंदू दिघे सर यांनी केले. आपल्या आहाराच्या पद्धती बदलल्यामुळे, होणारे आजार शरीराचे संतुलन बिघडते.त्यामुळे विद्यार्थ्यांनी सकस संतुल आहाराचे सेवन केले पाहिजे.त्यासाठी पालकांचे प्रबोधन करण्यात आले.पौष्टिक आहार सेवन केल्याने आपल्यातील प्रतिकारशक्ती वाढते व कमी आजार होतात.त्यामुळे आपली कार्यक्षमता पण वाढते.असे मार्गदर्शन करण्यात आले. यावेळी मोठ्या संख्येने ग्रामस्थ, माता पालक उपस्थित होते.या प्रसंगी श्री सैंदाणे ज्ञानेश्वर यांनी लम्पी त्वचारोग या विषयी माहिती देण्यात आली.तसेच आलेल्या सर्वाना लम्पी आजाराचे पत्रक वाटप करण्यात आले.शाळेतील विद्यार्थ्यांच्या सर्व पालकांना पत्रक घरपोच करण्यात आले. याप्रसंगी गावचे प्रथम नागरिक दिपक भाऊ खंडिझोड, पोलीस पाटील दामू खंडिझोड, योगेश खंडिझोड, राहुल घारे,.सुभाष सदाफळ,कांताराम खंडिझोड,दत्तात्रय डांगे,राजेंद्र खंडिझोड,अलका पाचोरे,सौ.रेखा दुघट,सौ.निर्मला घारे, सौ.कविता घारे,सौ.शीतल दुधट सुनिता पाचोरे उपस्थित होते.या प्रसंगी दिपक खंडिझोड यांनी गावातील सर्वांना लम्पी आजाराविषयी दक्षता घेण्याविषयी मार्गदर्शन केले.दिघे नंदू यांनी सर्व उपस्थितांचे आभार मानले.सदर कार्यक्रमाचे प्रास्ताविक सैंदाने ज्ञानेश्वर मुख्याध्यापक यांनी केले.
