कोपरगावप्रतिनिधी
नाशिक जिल्ह्यातील घाटमाथ्यावरील घागबारी पंचक्रोशील शेतकऱ्यांच्या थेट शेतावर जात महात्मा फुले कृषी विद्यापीठांतर्गत जळगाव येथील कृषीतज्ञ पोपटराव खंडागळे यांनी विंटरडाऊन या स्ट्रॉबेरी वाणाचे शाश्वत लागवड व जोपासना जागर करून पुढच्या पिढीमध्ये या पिकाची जोपासना आणि धडक पीक उत्पादनाबाबत मार्गदर्शन करून शेतकऱ्यांची कार्यशाळा घेतली.प्रारंभी निखिल कृषी सेवा केंद्राचे देवेंद्र गायकवाड यांनी उपस्थितांचे स्वागत करून प्रास्तविक केले.याप्रसंगी घागबारी, उंबरपाडा, घोडांबे, बोरगांव आदि पंचक्रोशील ५० हून अधिक युवा व प्रगतशील शेतकरी उपस्थीत होते. त्यांच्या शंकासमाधानाबरोबरच वारंवार ह्या पीक लागवडीमुळे मातीची कमी झालेली उत्पादकता कशी वाढवायची, पाणी परीक्षणाबाबत नेमके काय केले पाहिजे, आताच्या पिढीतून पुढच्या पिढीपर्यंत थंडीच्या मोसमात स्ट्रॉबेरी पीक लागवड जपवणूक कशी करायची, त्याची पीक, फलन पद्धत काय यावर कृषीतज्ञ पोपटराव खंडागळे यांनी सखोल मार्गदर्शन करत त्यांनी नाशिक पट्ट्यातील घागबारी पंचक्रोशीतील शेतकऱ्यांशी संवाद साधला.स्ट्रॉबेरी लागवड त्यावरील रोग त्याचे नियंत्रण इत्यादी विषयी त्यांनी दिलेल्या प्रत्येक सूचना शेतकत्यांनी लिहून घेतल्या. स्ट्रॉबेरी लागवड करतांना बिजप्रक्रिया, चंदेरी मलचिंग, रोग व किटकनाशकांचा कमीतकमी वापर, झाडाचे आरोग्य, अन्नद्रव्य व्यवस्थापन, स्ट्रॉबेरी शरीरक्रिया, फुले-फळे यांचे फलन इत्यादी विषयी सविस्तर माहिती दिली. याप्रसंगी सर्वश्री साहेबराव गायकवाड, दिनकर गायकवाड, लक्ष्मण गायकवाड, पंडीत जोंधळे, सुभाष चव्हाण, पंडीत गायकवाड, गौरव गायकवाड आदि उपस्थीत होते. शेवटी गोपाळ गायकवाड यांनी आभार मानले.नाशिक जिल्ह्यातील घाटमाथ्यावरील घागबारी पंचक्रोशील शेतकऱ्यांच्या थेट शेतावर जात महात्मा फुले कृषी विद्यापीठांतर्गत जळगाव येथील कृषीतज्ञ पोपटराव खंडागळे यांनी विंटरडाऊन या स्ट्रॉबेरी वाणाचे लागवडीबाबत मार्गदर्शन केले.
