कोपरगाव प्रतिनिधी.
शैक्षणिक दीपस्तंभ राज्यस्तरीय शिक्षकरत्न व गुणवंत शिक्षक आॕनलाईन पुरस्कार वितरण सोहळ्याप्रसंगी मार्गदर्शन करतांना मा. पूर्व शिक्षणसंचालक मा.डाॕ.गोविंद नांदेडे यांनी शैक्षणिक दीपस्तंभ टीमने हाती घेतलेल्या अनोख्या, आगळ्यावेगळ्या व शिक्षक दिनानिमित्त संपूर्ण महाराष्ट्रातील उपक्रमशील व आदर्श शिक्षकांची निवड करून त्यांना सन्मानित करण्याचा निःस्वार्थीपणे शिक्षकांनी शिक्षकांसाठी राबवलेला हा उपक्रम अतिशय प्रेरणादायी व दीपस्तंभासारखी दिशा देणारा असल्याचे मत व्यक्त केले. निवड झालेल्या सर्व 70 शिक्षकरत्नांनी केलेल्या स्तुत्य व नाविन्यपूर्ण उपक्रमांचा आदर्श महाराष्ट्रातील तमाम शिक्षकांनी घेण्यासाठी कार्यपरिचय शैक्षणिक दीपस्तंभ टीमने पुस्तकरूपाने प्रकाशित करावा असे आवाहन केले.मा.प्रशांत दिग्रसकर- शिक्षणाधिकारी नांदेड यांनी बहुमोल मार्गदर्शन करून शिक्षकांचा सन्मान म्हणजे देशाचा सन्मान असून हा राज्यस्तरीय सन्मान मिळवून देण्याचे कार्य शैक्षणिक दीपस्तंभने राबवून राष्ट्रउभारणीचे कार्य करणाऱ्या शिक्षकांना गौरविल्याबद्दल कौतुक केले. मा.सुचिता पाटेकर मॕडम- शिक्षणाधिकारी अकोला यांनीसुद्धा या आगवेगळ्या शिक्षकगौरव सोहळ्याचे कौतुक करून 'अनुकरणात्मक कार्य करणाऱ्या शिक्षकांच्या मी सदैव पाठीशी राहीन असे संबोधून सर्वांना प्रेरीत केले. मा. डी.डी.सूर्यवंशी अधिव्याख्याता डायट नाशिक तसेच मा. डाॕ. अनिल मुरकुटे अधिव्याख्याता डायट परभणी यांनी समूहाने हाती घेतलेल्या या स्तुत्य उपक्रमाविषयी शुभेच्छा दिल्या.मा.गटशिक्षणाधिकारी पारनेर मा. बाळासाहेब बुगे व मा.पोपटराव काळे गटशिक्षणाधिकारी - कोपरगाव यांनी 'शिक्षकांनी शिक्षकांप्रती कृतज्ञता व्यक्त करण्यासाठी निःस्वार्थीपणे आयोजित केलेला हा सन्मान सोहळा महाराष्ट्रातील एकमेव अद्वितीय आहे' असे भावोद्गार काढले. या नेत्रदीपक आभासी पुरस्कार वितरण सोहळ्यात 70 शिक्षकरत्नांना व 97 गुणवंत शिक्षकांना गौरविण्यात आले. तंत्रज्ञानाचा कौशल्यपूर्वक वापर करून व्हिडीओद्वारे शिक्षकांच्या कार्याचा परिचय देण्यात आला. या नेत्रदीपक सोहळ्यासाठी मा.पुष्पावती पाटील मॕडम- सहाय्यक शिक्षण संचालक नाशिक,मा.दिनेश चौधरी अधिव्याख्याता डायट नाशिक, मा.के. बी खोडदे गटशिक्षणधिकारी - जुन्नर, मा.शबाना शेख, मा.शिवाजी नाईकवाडे, मा.व्यंकटेश चौधरी शिक्षणविस्तार अधिकारी, मा.भोईर मॕडम, मा.आर.के.ढेपले, मा.बी.डी.जाधव केंद्रप्रमुख तसेच राष्ट्रीय शिक्षक पुरस्कार प्राप्त आदर्श शिक्षक उमेश खोसे या मान्यवरांची प्रमुख पाहुणे म्हणून उपस्थिती लाभली.अवघ्या महाराष्ट्रात गाजलेल्या या आगळ्यावेगळ्या सोहळ्याचे प्रास्तविक शैक्षणिक दीपस्तंभ अध्यक्ष - सुदाम साळुंके अहमदनगर, संपादकीय मनोगत वैशाली भामरे नाशिक यांनी व्यक्त केले. कार्यक्रमाचे बहारदार सूत्रसंचलन जया कुलथे यांनी तर आभारप्रदर्शन रूपाली गोजवडकर नांदेड यांनी केले.
या पुरस्कार वितरण सोहळ्याचे झूम व यु ट्यूब लाईव्ह प्रक्षेपण डायट नांदेड यांनी केल्याबद्दल मा.प्राचार्य रवींद्र अंबेकर , आय टी विषोयसहाय्यक संतोष केंद्रे व शिक्षकरत्न संतोष राऊत यांनी केल्याबद्दल शै.दीपस्तंभकडून कृतज्ञता व्यक्त करण्यात आली.या सोहळ्याच्या यशस्वीतेसाठी सुदाम साळुंके – अध्यक्ष शैक्षणिक दीपस्तंभ उपाध्यक्ष – धनराज सूर्यवंशी, व समस्त सहसंपादक वैशाली भामरे नाशिक, रूपाली गोजवडकर नांदेड , जया कुलथे अहमदनगर, कविता पुदाले उस्मानाबाद, वर्षा सांगवीकर लातूर, वैशाली सावंत ठाणे व प्रमिला सेनकुडे नांदेड तसेच नवनाथ सूर्यवंशी व बालाजी नाईकवाडी यांनी परिश्रम घेतल्याबद्दल संपूर्ण महाराष्ट्रातील शिक्षक,अधिकारी व शिक्षणप्रेमी नागरिकांनी अभिनंदन केले आहे.
