कोपरगाव प्रतिनिधी.
जून २०१४ पावसाळ्याचे दिवस नेहमी प्रमाणे सायंकाळी जेउरकुंभारी गावाच्या मंदिरासमोर सुशिक्षित युवा मंडळ जमले व बैठक रंगली त्यामध्ये सध्याची समाज व्यवस्था व राजकारण यावर मैफल रंगली. त्याचा विषय होता सामाजिक कार्यात युवकांचे स्थान व महत्त्व, यामध्ये आपण आपला सहभाग नोंदवू शकतो याची जाणीव झाली.यातुन समाज कार्यासाठी योगदान देऊ शकतो असा आत्मविश्वास जागृत झाला.व सर्व धर्माचे सुशिक्षित युवा शक्ती एकत्र येऊन सामाजीक संघटना तयार करण्याचे ठरवले.संघटना कशी असावी,तिचे कार्य कसे असावे, त्यातील सभासद कसे असावेत,संघटनेचे नाव काय असावे? अशा अनेक प्रश्नांची उत्तरे शोधत या युवक शक्तीच्या प्रयत्नातुन एक संघटना उदयास आली. ती म्हणजे.
शिवसुत्र युवा प्रतिष्ठाण !
शिवसुत्र म्हणजे ज्या पद्धतीने शिवरायांनी राज्य कारभार चालवला त्या पद्धतीने आदर्श मानून कारभार करणे होय. संघटनेचे ब्रीद वाक्य ठरले”एकच ध्यास सर्वांगीण विकास” गावाती सर्व जाती धर्माच्या युवकांनी एकत्र येऊन आपले कार्य करण्यास सुरुवात केली. आणि आपल्या कामाचा आदर्श संपूर्ण महाराष्ट्रात शिवसुत्र युवा प्रतिष्ठानने आपल्या कामाचा झेंडा रवला या संघटनेचे अध्यक्ष – सुधाकर वक्ते,उपअध्यक्ष-विशाल गुरसळ आहे. या संघटनेत सर्व जाती धर्माचे सभासद ७० आहे.जेऊर कुंभारी गावात विकासाचा वारसा घेऊन समाज्या समोर आपल्या कार्याचा ठसा उमटवला आहे.अशी एक ध्येय वेडी संघटना म्हणजे शिवसुत्र युवा प्रतिष्ठान होय.या संघटनेने जेऊर कुंभारी पंचक्रोशीत नव्हे तर अहमदनगर जिल्ह्यात आपली अनोखी ओळख निर्माण केली आहे. या संघटनेची स्थापना ११जुलै २०१४ मध्ये झाली आणि कमी वेळेत समाज्या समोर एक आदर्श निर्माण केला.या संघटनेचे अध्यक्ष – सुधाकर वक्ते , उपअध्यक्ष – विशाल गुरसळ व सर्व शिवसुत्र सदस्य यांनी एकत्र येऊन समाजीक विकासाच्या दृष्टीने वाटचाल सुरू केली. १९जुलै २०१४ रोजी या संघटनेने जेऊर कुंभारी ग्रामसभेत गावतळ्याच्या ठरवाला मंजुरी देण्याचे काम केले.शाळेतील गरीब विद्यार्थी दत्तक घेणे, वृक्षारोपण व वृक्षसंवधन संदर्भात जनजागृती करणे,खेळाडूना प्रोत्साहन म्हणून क्रिडास्पर्धा भरवणे,रक्तदान शिबिर राबवणे,सर्व महापुरूषांच्या जयंत्या साज-या करणे, गावातील मंदीरे व धार्मिक स्थळे यांची स्वच्छता करणे,गोरगरिबांच्या लग्नामध्ये श्रमदान करणे,गावातील अत्यावश्यक व सामाजिक प्रश्नांना वाचा फोडणे या सारखे अनेक उपक्रम प्रतिष्ठानच्या माध्यमातून आज पर्यंत राबवीले आहे.
शिवसुत्र युवा प्रतिष्ठाणचे अध्यक्ष सुधाकर वक्ते व उपअध्यक्ष विशाल गुरसळ यांच्या मार्गदर्शनाखाली जेऊर कुंभारी येथील शिवसुत्र युवा प्रतिष्ठानने गरीब विद्यार्थी शिकवीले पाहीजे, या उद्देशाने स्वतंत्र्य दिनाचे औचित्य साधून पहिलीत शिकणा-या दोन विद्यार्थ्यांना शिक्षणासाठी दत्तक घेतले.२६/११ च्या हल्ल्यातील शहिदांना श्रद्धांजली म्हणून शिवसुत्र युवा प्रतिष्ठानच्या वतीने रक्तदान शिबीराचे आयोजन करणे, उन्हाळ्यात पुणतांबा चौफुली व तिनचारी या दोन ठिकाणी पाणपोई उभारणे, तसेच शिवजंयती उत्साहात साजरी करणे तसेच गावातील पौराणिक मंदिराचा परिसर स्वच्छ करणे ,स्मशानभूमी परिसरात
वृक्षारोपण करणे, तसेच गावाच्या विकासासाठी शिवसुत्र युवा प्रतिष्ठानचा नेहमी पुढाकार असतो त्यांचे उत्तम उदाहरण म्हणजे ८एप्रिल २०१६ रोजी जेऊर कुंभारी येथे पाणी आडवण्यासाठी व जिरवण्यासाठी पाटाच्या कडेला नवीन खड्डे व तळे खोदण्यात आले.या संघटनेच्यामाध्यमातून करीत असलेले काम निश्चित प्रेरणादायी असल्याचे गौरवद्वार हिरवे बाजारचे सरपंच पोपटराव पवार यांनी काढले. प्रतिष्ठानच्या या सामाजिक कार्याचे आजी माजी आमदार, सामाजिक कार्यकर्ते व विविध पक्ष व संघटनेचे पदाधिकारी यांनी प्रतिष्ठानचे अध्यक्ष- सुधाकर वक्ते, उपअध्यक्ष- विशाल गुरसळ व प्रतिष्ठानच्या सर्व कार्यकरत्यांचे वेळोवेळी कौतुक केले आहे.
