कोपरगाव प्रतिनिधी
विशेष सखोल पुनरीक्षण कार्यक्रम २०२६ अंतर्गत उत्कृष्ट व उल्लेखनीय कार्य केल्याबद्दल जिल्हा परिषद प्राथमिक शाळा सोनारी येथील मुख्याध्यापक लतिफखान पठाण यांचा गौरव करण्यात आला.उपजिल्हाधिकारी हेमलता बढे व तहसीलदार महेश सावंत यांच्या हस्ते त्यांना प्रशस्तीपत्र प्रदान करण्यात येऊन सन्मानित करण्यात आले. या कार्यक्रमात विविध विभागातील अधिकारी व कर्मचारी उपस्थित होते.
मतदार यादी विशेष सखोल पुनरीक्षण मोहिमेत प्रामाणिकपणे, जबाबदारीने व उत्कृष्ट नियोजन करून दिलेल्या योगदानाची दखल घेत हा सन्मान प्रदान करण्यात आला. या उल्लेखनीय कार्याबद्दल लतिफखान पठाण यांचे शिक्षण क्षेत्रासह परिसरातून अभिनंदन करण्यात येत असून त्यांच्या कार्याचा जिल्हा परिषद प्राथमिक शाळा सोनारीला अभिमान आहे.
