कोपरगाव प्रतिनिधी
कोपरगाव तालुक्यातील चांदेकसारे येथून दरवर्षी पंढरपूरकडे निघणाऱ्या पायी दिंडीच्या उत्कृष्ट नियोजनाचे आणि अखंड सुरू असलेल्या वारकरी परंपरेचे खासदार निलेश लंके यांनी मनापासून कौतुक केले. यावेळी दिंडीचे यशस्वी आयोजन व वारकरी सेवेतील योगदानाबद्दल चांदेकसारेचे सरपंच केशवराव होन यांचा शाल, श्रीफळ व पुष्पगुच्छ देऊन सत्कार करण्यात आला.
यावेळी खासदार निलेश लंके यांनी वारकरी संप्रदायाची परंपरा जपणाऱ्या चांदेकसारे ग्रामस्थांचे अभिनंदन करत, अशा धार्मिक व सांस्कृतिक उपक्रमांमुळे समाजात एकात्मता, भक्तीभाव आणि सामाजिक सलोखा वृद्धिंगत होत असल्याचे सांगितले. तसेच भविष्यातही अशा उपक्रमांना आवश्यक ते सहकार्य करण्याची ग्वाही त्यांनी दिली.
या प्रसंगी दिंडीतील वारकरी, ग्रामस्थ, मान्यवर आणि भाविक मोठ्या संख्येने उपस्थित होते.
