जेऊर कुंभारी वार्ताहर
सदगुरू आत्मा मालिक माऊली ध्यानपीठ, कोकमठाण आश्रम येथे गुरुपौर्णिमा महोत्सवानिमित्त दि. २३ ते २७ जुलै २०२६ या कालावधीत आयोजित करण्यात आलेल्या महामंडलेश्वर ब्रह्मचारी कनकेश्वरी माता यांच्या गुरुगीता ज्ञानकथा महोत्सवाच्या पार्श्वभूमीवर शनिवारी दि. ११ रोजी जेऊर कुंभारी येथे श्री मारुती मंदिरात संत परिवाराने ग्रामस्थांची भेट घेऊन महोत्सवाचे निमंत्रण दिले. या निमंत्रणाला ग्रामस्थांनी उत्स्फूर्त प्रतिसाद दिला.
यावेळी आयोजित कार्यक्रमात विश्वात्मक जंगली महाराज आश्रम ट्रस्टचे सरचिटणीस हनुमंतराव भोंगळे यांनी उपस्थितांना मार्गदर्शन केले. गुरुपौर्णिमेचे आध्यात्मिक महत्त्व, गुरु-शिष्य परंपरेची गौरवशाली परंपरा तसेच गुरुसेवेचे महात्म्य याविषयी त्यांनी सविस्तर विवेचन केले. गुरुसेवा, श्रद्धा आणि समर्पणातूनच जीवनाला योग्य दिशा, आत्मिक समाधान आणि संस्कारमय जीवनाची प्रेरणा मिळते, असे सांगत त्यांनी दि. २३ ते २७ जुलै दरम्यान कोकमठाण येथे होणाऱ्या गुरुगीता ज्ञानकथा महोत्सवात कुटुंबासह मोठ्या संख्येने सहभागी होण्याचे आवाहन केले.
संत परिवाराने गुरुगीता ज्ञानकथेच्या माध्यमातून अध्यात्म, संस्कार, आत्मजागृती आणि मानवकल्याणाचा संदेश समाजापर्यंत पोहोचविण्यात येणार असल्याची माहिती दिली. गुरुगीता ज्ञानकथा हा केवळ धार्मिक कार्यक्रम नसून समाजात नैतिक मूल्ये, सेवा, सदाचार आणि अध्यात्माची जपणूक करणारा लोकप्रबोधनाचा महोत्सव असल्याचेही यावेळी सांगण्यात आले.
कार्यक्रमादरम्यान संपूर्ण परिसर भक्तिमय वातावरणाने भारावून गेला होता. ग्रामस्थांनी संत परिवाराचे स्वागत करत आगामी महोत्सवाच्या यशस्वी आयोजनासाठी तन, मन आणि धनाने सेवा देण्याची तयारी दर्शविली.
कार्यक्रमास न्यू इंडिया इन्शुरन्सचे मॅनेजर भिमराज वक्ते, महर्षी शंकरराव कोल्हे सहकारी साखर कारखान्याचे संचालक बाळासाहेब वक्ते, आरपीआय प्रदेश सचिव दिपकराव गायकवाड, विजय रोहम, वसंतराव आव्हाड, आप्पासाहेब शाहजी वक्ते, पाटीलबा वक्ते, माजी उपसरपंच जालिंदर चव्हाण, यादवराव शिवराम वक्ते, विविध कार्यकारी सेवा सोसायटीचे चेअरमन कोंडीराम वक्ते, व्हा. चेअरमन दादासाहेब चव्हाण, सोशल मीडिया अध्यक्ष महेंद्र वक्ते, पोलीस पाटील बाळासाहेब गायकवाड, माजी सरपंच राजेंद्र गिरमे, आप्पासाहेब वसंतराव वक्ते, किसन सोळके, आशोक राऊत, सोपान वक्ते, ग्रामपंचायत सदस्य किशोर वक्ते, प्रदीप गायकवाड, भाजप युवा मोर्चा तालुका सचिव किशोर गायकवाड, ॲड. निलेश कातकडे, भास्कर चव्हाण, कैलास चव्हाण, सुनील खरात, बाळासाहेब पवार, भगाभाऊ वक्ते, सुनील वक्ते, निलेश महाराज पवार, बारकु देवकर, अमित भोंगळे, नितीन इंगळे, सागर गुरसळ, बलवीर गरूड, गणेश वक्ते, प्रा. मधुकर वक्ते, राणा वक्ते, गौरव आहीरे यांच्यासह ग्रामस्थ मोठ्या संख्येने उपस्थित होते.
कार्यक्रमाच्या शेवटी उपस्थितांचे आभार विश्वात्मक जंगली महाराज आश्रम ट्रस्टचे सरचिटणीस हनुमंतराव भोंगळे यांनी मानले.
