जेऊर कुंभारी वार्ताहर
कोपरगाव तालुक्यातील जोगेश्वरी इंटरनॅशनल स्कुलमध्ये सावित्रीबाई ज्योतिराव फुले यांची जयंती निमित्त विनम्र अभिवादन करण्यात आले. कार्यक्रमाचे सर्व नियोजन इयत्ता ६ वी च्या विद्यार्थ्यांनी केले.दिनांक 3 जानेवारी म्हणजे एका भारतीय समाज- सुधारक शिक्षणतज्ज्ञ आणि कवयित्री, तसेच भारतातील पहिल्या महिला शिक्षिका म्हणून ओळखल्या जाणाऱ्या सावित्रीबाई फुले यांची जयंती. ज्यांना आपण क्रांतीज्योती संबोधतो.
सावित्रीबाई फुले यांच्या प्रतिमेचे पूजन संस्थेचे अध्यक्ष भास्करराव होन, सचिव सुनील होन , संचालक सागर होन , प्राचार्या ज्योती खरात यांनी केले.
इयत्ता ६ च्या विद्यार्थिनी कु.वैष्णवी गांगुर्डे आणि कु. दुर्गा पवार यांनी सावित्रीबाई चे मी सावित्री असे पात्र साकारले.
सावित्रीबाई फुले यांनी समाजाची अन्याय कारक वागणूक, विधवांचे होणारे केशव पण, बालविवाह थांबवण्यासाठी किती कष्ट घेतले कोणकोणत्या समस्यांना त्या सामोऱ्या गेल्या तसेच मुख्य म्हणजे त्यांनी मुलींसाठी पहिली शाळा कोठे ,कशी सुरू केली यावर मुलांनी माहिती दिली तसेच शितल होन व रुपाली होन यांनी आपले मनोगत व्यक्त केले.कार्यक्रमाचे मार्गदर्शन सौ. अश्विनी होन यांनी केले तर आभार प्रदर्शन स्नेहल होन यांनी केले.तसेच या कार्यक्रमासाठी संस्थेचे अध्यक्ष भास्करराव होन, सचिव सुनिल होन ,संचालक सागर होन, प्राचार्या ज्योती खरात, पल्लवी होन, स्वाती वक्ते, रुपाली होन, रेश्मा होन, प्रिती वक्ते, मिनल बोरावके, शितल होन कविता लिंभुरे, सायली बोरावके, स्नेहल होन इ. शिक्षक तसेच मुक्ता तुवर, रेणुका साळुंके, शिवाजी जाधव सादिक सय्यद ,सोमनाथ पवार , इ.शिक्षकेत्तर कर्मचारी उपस्थित होते.
