जेऊर कुंभारी वार्ताहर
राज्य सरकारच्या लाडकी बहीण योजनेसाठी आ.आशुतोष काळे यांच्यातर्फे जेऊरकुंभारी येथे दि.८ जुलै रोजी मेळावा मेळावा आयोजित करण्यात आला होता. या मेळाव्यास महिलांनी उत्स्फुर्त प्रतिसाद दिला.
मध्यप्रदेश सरकारच्या ‘लाडली बहन’ या योजनेच्या धर्तीवर दि.१ जुलै पासून ‘मुख्यमंत्री माझी लाडकी बहीण’ योजना सुरु करण्यात आली आहे. राज्यातील करोडो महिलांना आर्थिक सहाय्य करून आर्थिकदृष्ट्या सक्षम करणे हे उद्दिष्टय आहे. या योजनेअंतर्गत राज्य सरकार लाभार्थी महिलांच्या खात्यात दरमहा १५०० रुपये पाठवणार आहे. त्यामुळे या योजनेचा लाभ सर्व महिलांना मिळावा, कुणीही महिला यापासून वंचित राहू नये यासाठी आ.आशुतोष काळे यांनी मोफत कागदपत्र मेळावा आयोजित करण्यात आला होता. या योजनेचा लाभ प्रत्येक महिलेला घेता यावा यासाठी गांव पातळीवर महिलांना कोणत्याही प्रकारची अडचण येऊ नये यासाठी आमदार आशुतोष काळे यांचे कार्यकर्ते गोदावरी खोरे केन ट्रान्सपोर्टचे संचालक दिलीप शिंदे, गौतम बँकचे संचालक बापुराव वक्ते, कल्याणराव गुरसळ, महेंद्र वक्ते, विरेंद्र शिंदे, किरण पाटीलबा वक्ते, शिवाजी मच्छिंद्र वक्ते, सागर गुरसळ, आकाश देवकर, वैभव वक्ते, रवींद्र वक्ते, मैद सर
यांनी मार्गदर्शन केले.
चौकट-
◆ लाडकी बहीण योजनेपासून कुणीही महिला वंचित राहू नये, सर्वांना या योजनेचा लाभ मिळावा यासाठी आ.आशुतोष काळे यांचे माध्यमातून गावोगावी मोफत मेळावे सुरु करण्यात आले आहेत. आत्तापर्यंत ५०० महिलांचे अर्ज प्राप्त झाले आहेत.
महेंद्र वक्ते
