हॅरिसन बँच शाळेत द्वितीय शाळा पूर्वतयारी मेळावा उत्साहात संपन्न!!
जेऊर कुंभारी वार्ताहर
जेऊर कुंभारी गावातील हॅरिसन बँच शाळेमध्ये निपूण भारत अंतर्गत इयत्ता पहिलीत नव्याने दाखल झालेल्या विद्यार्थ्यांसाठी शाळा पूर्वतयारी मेळावा क्रमांक दोन आयोजित करण्यात आला होता. सदर मेळाव्यामध्ये इयत्ता पहिली मध्ये नवीन प्रवेशित झालेल्या विद्यार्थ्यांचा गाडीतून मिरवणूक काढून स्वागत करण्यात आले.विद्यार्थी लेझिमाच्या तालावर नवागताचे स्वागत करत असताना विद्यार्थ्यांच्या माता,शाळेच्या स्वयंपाकी,मदतनीस,शिक्षक,मुख्याध्यापिका यांनी सुद्धा लेझीमच्या ठेक्यावर नवागतांचे स्वागत केले. तसेच सात स्टॉलची मांडणी करून यामध्ये नोंदणी कक्ष, भाषा विकास, सामाजिक व भावनिक विकास, बौद्धिक विकास, शारीरिक विकास, गणन पूर्व तयारी तसेच माता पालकांना साहित्य वाटप या विषयावर आधारित शालेय साहित्य स्टॉल लावण्यात आले होते. पहिलीच्या विद्यार्थ्यांकडून कृती करून घेण्यात आल्या व विकासपत्र भरून घेऊन पुढील शिक्षणासाठी प्रोत्साहन म्हणून प्रमाणपत्र देण्यात आले.
सदर मेळाव्याचे औचित्य साधून विद्यार्थ्यांना गोड जेवण देण्यात आले. शाळेच्या मुख्याध्यापिका रंजना डोंगरे यांनी विद्यार्थ्यांचे गुलाब पुष्प देऊन स्वागत केले. सदर प्रसंगी शाळा व्यवस्थापन समिती अध्यक्ष सतिष पवार,अंगणवाडी ताई वक्ते,मदतनीस कमल नळे,संजय दळवी,अरुण पवार,विलास साठे,अमोल पारखे, वैशाली चकोर, वंदना माळी, सुलभा गांगुर्डे,लताबाई सोनवणे,आरती मोरे,ज्योती पेरणे व इतरही पालक व ग्रामस्थ उपस्थित होते. शाळेतील शिक्षक श्री नवनाथ सूर्यवंशी यांनी उपस्थित पालकांचे आभार मानले.गटशिक्षणाधिकारी शबाना शेख व केंद्रप्रमुख रावसाहेब लांडे यांनी सदर उपक्रमाचे कौतुक केले.
