जेऊर कुंभारी वार्ताहर
कोपरगाव तालुक्यातील जिल्हा परिषद प्राथमिक शाळा गिरमेवस्ती जेऊर कुंभारी येथे इयत्ता पहिलीच्या प्रवेश घेणाऱ्या विद्यार्थ्यांचे स्वागत गुलाब पुष्प देऊन मान्यवरांच्या हस्ते करण्यात आले. यावेळी परिसरातून प्रभात फेरी काढण्यात आली. विद्यार्थ्यांनी ‘सारे शिकूया, पुढे जाऊया’,’ जिल्हा परिषद शाळा, लावते लळा ‘अशा घोषणा दिल्या.यावेळी विश्वात्मक जंगली महाराज आश्रम ट्रस्टचे सरचिटणीस हनुमंतराव भोंगळे साहेब पाटीलबा वक्ते,बाळासाहेब वक्ते, ग्रामपंचायत सदस्य प्रदीप गायकवाड
शा. व्य. समिती अध्यक्ष महेश गुरसळ, राहुल गुरसळ, अमित भोंगळे, संदिप माकुणे,
सुवर्ण चव्हाण, आंगणवाडी सेविका
आदी उपस्थित होते.विद्यार्थ्यांना पहिल्याच दिवशी गोड जेवण देऊन विद्यार्थ्यांना मिष्ठान्न भोजन देण्यात आले. नवागतांना मान्यवरांच्या हस्ते गुलाब पुष्प,मोफत पाठ्यपुस्तके वाटप करण्यात आले. शाळा पूर्वतयारी उपक्रमांतर्गत मेळावा क्रमांक दोन खेळीमळीच्या वातावरणात मोठ्या उत्साहात पार पडला.विविध शैक्षणिक साहित्य व खेळाचे साहित्य हाताळताना विद्यार्थ्यांना खूप आनंद वाटला.कार्यक्रम यशस्वी करण्यासाठी शाळेतील मुख्याध्यापिका श्रीम.प्रियंका जोशी,शिक्षक अनुज ढुमणे, सुदाम साळुंके या सर्वांनी विशेष प्रयत्न केले.
