जेऊर कुंभारी वार्ताहर
हृदयरोग तज्ञ डॉ. गौरव वर्मा यांनी
फेमोरल रेडियल आणि ब्राॅचियलसह दहा हजाराहून अधिक कोरोनरी अँजिओप्लास्टी केले आहे .यात त्यांना सतरा वर्षाचा अनुभव आहे तसेच महाराष्ट्र मध्ये विविध ठिकाणी शिबिर घेऊन रुग्णांना मोफत उपचार दिला आहे आज दिनांक २८ मे रोजी कोपरगाव येथील डॉक्टर माळे हॉस्पिटल या ठिकाणी त्यांनी मोफत रुग्णांसाठी शिबिर आयोजित केले होते तेव्हा त्यांचा सत्कार महर्षी शंकरराव कोल्हे कारखान्याचे संचालक संजय होन, माजी सभापती शिवाजी वक्ते यांनी पुष्पगुच्छ देऊन करण्यात आला.
या शिबिरास २०० रुग्णांचा समावेश होता. संजय होन यांनी सांगितले की डॉ. गौरव वर्मा यांनी काही वर्ष साईबाबा संस्थान या ठिकाणी आपली सेवा दिली अँजिओप्लास्टी
करून अनेक रुग्णांना जीवदान दिले आहे तसेच नाशिक येथील एसएमबीटी हॉस्पिटल मधून सामान्य रुग्णांसाठी परवडेल अशा सुविधा उपलब्ध करून दिल्या जात आहे डॉक्टर गौरव वर्मा हे एमबीबीएसमध्ये सुवर्णपदक विजेते आणि एमडीमध्ये सुवर्णपदक विजेते आहे.
डेक्स्ट्रोकार्डियामधील कोरोनरी अँजिओप्लास्टी, एबस्टाईनच्या विसंगतीच्या रुग्णामध्ये कोरोनरी अँजिओप्लास्टी यासारख्या गुंतागुंतीच्या प्रक्रिया करण्याचा त्यांना अनुभव आहे. ग्रामीण भागातील अनेक रुग्णांना डॉक्टर गौरव वर्मा यांनी उपचार करून जीवदान दिले आहे तेव्हा त्यांची रुग्णसेवा हीच ईश्वर सेवा आहे असे गौरवउद्गार संजय होन यांनी काढले आहेत.
