कु.भक्ती अमर कवडेने रचला विक्रम, ९७.२% टक्क्यांसह गणितात १००/१०० गुण!!
जेऊर कुंभारी वार्ताहर
शिक्षणमहर्षी स्व. लहानुभाऊ नागरे स्थापित रेनबो इंटरनॅशनल स्कूलच्या विद्यार्थ्यांनी CBSE 10 वी बोर्ड परीक्षा २०२३-२४ मध्ये अत्यंत उत्कृष्ट निकाल मिळवला आहे. एकूण ३२ विद्यार्थ्यांच्या बॅचमध्ये परिणामे १००% निकाल प्राप्त झाला आहे.प्रथम स्थानावर भक्ती अमर कवडे ९७.२% गुणांसह, गणित विषयात १००/१०० व इंग्रजी आणि सामाजिक अभ्यासात ९८/१०० गुण प्राप्त केले आहे. त्यासोबतच अभिनय धीरज बाजाज (९४.४%), दिव्या पुष्पेंद्र शर्मा (९३.८%), हर्षदा सचिन शिंदे (९२%), साक्षी अनंत वाणी (९०.८%) आणि समिधा दिपक औताडे (९०.४%) यांच्यासह इतर विद्यार्थ्यांना मेरिट, डिस्टिंक्शन व फर्स्ट क्लास गुण प्राप्त झाले. मागील वर्षी देखील ५३ पैकी २१ विद्यार्थी ९०% च्या पुढे राहून रेनबो स्कूलचा निकाल अहमदनगर जिल्ह्यात सर्वोत्कृष्ठ ठरला होता. आजचा हा अद्वितीय निकाल रेनबो इंटरनेशनल स्कूलच्या विद्यार्थ्यांच्या व शिक्षकांच्या उत्कृष्ट परिश्रमाचा प्रतिफळ आहे. या निकालाबाबत संस्थेचे अध्यक्ष कांतिलजी अग्रवाल, सचिव संजयजी नागरे, विश्वस्त मनोजजी अग्रवाल, आनंदजी दगडे, चांगदेवजी कातकडे, अर्जुनजी काळे, कार्यकारी संचालक व प्राचार्य आकाशजी नागरे, शैक्षणिक संचालक नानासाहेब दवंगे, उपप्राचार्य निलेश औताडे, सर्व शिक्षक आदि. यांनी विद्यार्थ्यांचे कौतुक करुन अभिनंदन केले.
