कोपरगाव प्रतिनिधी
लोकसभेच्या निवडणुकीचा धुरळा उडत असून प्रचाराचे शेवटचे दोनच दिवस शिल्लक राहिले असून अकरा तारखेला सायंकाळी पाच वाजेपर्यंत प्रचार थंडावणार आहे. त्यामुळे शेवटच्या रणनितीसाठी थोडेचे दिवस उमेदवारांकडे शिल्लक आहेत.
शिर्डी लोकसभा मतदारसंघातील महाआघाडी शिवसेना उद्धव ठाकरे गटाचे उमेदवार भाऊसाहेब वाकचौरे यांचा प्रचार सुरू असुन १३ मे रोजी मतदान होणार आहे. त्या पाश्र्वभूमीवर १० मे रोजी कोपरगाव तालुक्यातील जेऊर कुंभारी,चांदेकसारे डाऊच खुर्द,डाऊच बुद्रुक,घारी गावात प्राचार फेरी काढण्यात आली या फेरीत महिला व पुरुष वर्गाचा
उत्स्फूर्त प्रतिसाद दिसुन आला.
यावेळी काँग्रेस प्रदेश सरचिटणीस नितीन शिंदे म्हणाले की, आमदार बाळासाहेब थोरात यांच्या नेतृत्वाखाली अहमदनगर जिल्ह्यामध्ये दोन्ही उमेदवार महाविकास आघाडीची निवडून येणार आहे. भाऊसाहेब वाकचौरे यांनी कायम जनतेच्या संपर्कात राहून काम केल्याने ते जनतेचे उमेदवार ठरत असल्याचे ते म्हणाले.
या प्रचार फेरीत पुजाताई रोहीत वाकचौरे, काँग्रेस प्रदेश सरचिटणीस नितीन शिंदे, शिवसेना उपजिल्हा संघटक अशोक पवार आदी सह कार्यकरते मोठ्या संखेने उपस्थित होते.
