कोपरगाव प्रतिनिधी
सर्व सामान्य माणसाच्या उन्नतीसाठी दिंडोरी प्रणित श्री स्वामी समर्थ सेवा मार्गानुसार वर्षभर जे धार्मिक कार्यक्रम आयोजित केले जातात, त्यात श्री स्वामी समर्थ पुण्यतिथीला विशेष महत्व आहे. श्री स्वामी समर्थ पूण्यतिथी दिनांक ६ मे २०२४ रोजी असून त्यानिमित्ताने अखंड नाम, जप, यज्ञ व गुरुचरित्र पारायण सप्ताह दिनांक ३० एप्रिल २०२४ ते ६मे २०२४ ह्या कालावधीत भारतातील साधारण २०००० पेक्षा जास्त सेवा केंद्रामध्ये आयोजित केलेला आहे.
म्हणूनच गुरुमाऊली अण्णासाहेब मोरे यांच्या कृपाशीर्वादाने संजीवनी उद्योग समूहाचे अध्यक्ष बिपीनदादा कोल्हे यांच्या मार्गदर्शनाखाली व कारखान्याचे अध्यक्ष विवेकभैय्या कोल्हे नेतृत्वाखाली सालाबाद प्रमाणे या वर्षीसुद्धा सहकार महर्षी शंकरराव कोल्हे सहकारी साखर कारखाना कार्यस्थळावर श्री गुरुचरित्र पारायण सोहळा आयोजित करण्यात आला असून त्याची सुरुवात कारखान्याचे कार्यकारी संचालक बाजीराव जी. सुतार यांचे शुभहस्ते करण्यात आली.
या कार्यक्रम प्रसंगी कारखान्याचे कार्यकारी संचालक म्हणाले स्वर्गीय शंकरावजी कोल्हे साहेब यांनी प्रगत विज्ञानाबरोबर अध्यात्माची कास धरली पाहिजे ही सुरुवातीपासूनच शिकवण होती व गेल्या १८ वर्षापासून वर्षातून दोनदा कारखाना कार्यस्थळावर श्री गुरुचरित्र पारायण सोहळा परमपूज्य मोरेदादा यांच्या आशीर्वादाने व संजीवनी उद्योग समूहाचे अध्यक्ष बिपीन दादा कोल्हे साहेब, तसेच कोपरगाव तालुक्याच्या प्रथम महिला आमदार स्नेहलता ताई कोल्हे यांच्या संकल्पनेतून व युवा नेतृत्व कारखान्याचे चेअरमन विवेक भैय्या कोल्हे यांच्या मार्गदर्शनाखाली अखंड परंपरा चालू आहे. स्वामींचा संदेश भिऊ नकोस मी तुझ्या पाठीशी आहे हा प्रत्येक व्यक्तीला अंतर्गत आत्मविश्वास (Inner Confidence) वाढवण्यासाठी अत्यंत मोलाचा आहे. सदर गुरुचरित्र पारायणासाठी सर्वांच्या वतीने त्यांनी शुभेच्छा देऊन सर्वांचे मनापासून आभार मानले.
