निवडणुकीचे राजकारण व प्रचार चांगलेच तापलेले असून नेते मंडळी यांनी गाव तसेच वाड्या वस्त्यावर भेटीचे प्रमाण वाढविले आहे. शिर्डी मतदारसंघात महाविकास आघाडीचे भाऊसाहेब वाकचौरे हे अधिकृत उमेदवार असताना देखील काँग्रेसचे जवाबदार पदाधिकारी यांनी चक्क सोशल मिडियावर राष्ट्रीय जनक्रांन्ती पार्टीचे उमेदवार राजेंद्र वाघमारे यांचा उघड उघड प्रचार सुरू केल्याने सोशल मिडियावर चर्चेचा विषय चांगलाच रंगत असल्याने काँग्रेस मधील अनेक पदाधिकारी यांच्याकडे देखील संशयित पध्दतीने बघितले जात असल्याचे दबक्या आवाजात चर्चा केली जात आहे.
निवडणुक म्हणटले की त्यात प्रचार, गाठी भेटी होणार प्रत्येक पदाधिकारी, नेते मंडळी आपल्या पक्षाचा उमेदवार निवडून आणण्यासाठी सध्याच्या परिस्थितीत प्रत्येक कार्यकर्ता व पदाधिकारी कडक उन्हाळा डोक्यावर घेऊन प्रचार करत आहेत. त्यात दुसरी बाजू निदर्शनास आली आहे की भाऊसाहेब वाकचौरे आघाडी चे अधिकृत उमेदवार आहेत यांची निशाणी मशाल आहे. मशाल चिन्ह असलेले उमेदवार यांचा प्रचार काँग्रेसचे पदाधिकारी व कार्यकर्ते यांनी करणे गरजेचे असताना देखील काँग्रेसचे काही प्रमुख पदाधिकारी यांनी राष्ट्रीय जनक्रांन्ती पार्टीचे अधिकृत उमेदवार राजेंद्र वाघमारे यांची निशाणी फलंदाज यांचा प्रचार चक्क सोशल मिडियावर सुरू केल्याने मतदार संघात चर्चेचा विषय बनत असल्याने कोणता पदाधिकारी कोणत्या पक्षात आहेत, कोणाचा प्रचार कोण करत आहेत याचा संभ्रम नक्कीच मतदारांमध्ये होत असल्याने पक्ष श्रेष्ठी सदर प्रकरणाबाबत लक्ष घालणार का ?. पक्षाच्या आदेशाला केराची टोपली दाखविणारे पदाधिकारी यांच्यावर पक्षाचे वरिष्ठ प्रमुख पदाधिकारी कारवाई करणार का ? याकडे सर्वांचे लक्ष लागणार आहे. तसेच राजेंद्र वाघमारे यांना काँग्रेस पक्षाकडून उमेदवारी मिळेल अशी अपेक्षा होती परंतु त्यांना उमेदवारी मधुन डावलल्याने वाघमारे यांनी काँग्रेस पक्षावर व पक्ष श्रेष्ठी यांच्यावर नाराजी व्यक्त करत पक्षातुन बाहेर पडले. राजेंद्र वाघमारे यांनी राष्ट्रीय जनक्रांन्ती पार्टी कडुन निवडणूक लढविण्याचा निर्णय घेतला व वाघमारे यांचा उमेदवारी अर्ज देखील काँग्रेसचे अनेक पदाधिकारी यांच्या उपस्थितीत दाखल केला असल्याचे समोर येत आहे.
