जेऊर कुंभारी वार्ताहर
माझ्या वडीलांनी २७ वर्ष कारखान्यात प्रमाणिक काम केले व कुटूंबाची जबाबदारी चोख बजावली. मुलांना चांगले शिक्षण मिळावे यासाठी अहोरात्र मेहनत घेतली.
त्यांच्या कष्ठाचे फलित म्हणून आम्ही उच्च पदावर पोहचलो त्यांचे उपकार आम्ही आयुष्यभर विसरणार नाही असे प्रतिपादन शशिकांत वक्ते यांनी केले.
जेऊर कुंभारी येथील रामभाऊ संपतराव वक्ते हे सहकार महर्षी शंकरराव कोल्हे सहकारी साखर कारखान्याच्या फिटर (बॉयलींग हाऊस) या पदावरून २७ वर्षाच्या प्रदीर्घ सेवेतून निवृत्त झाल्याबद्दल कामगारांच्या वतीने त्यांचा सत्कार सोहळा सहकार महर्षी शंकरराव कोल्हे कारखाना येथे पार पडला. याप्रसंगी ते सत्कारास उत्तर देतांना ते बोलत होते.
ते पुढे म्हणाले, आपण परिस्थितीवर संघर्षाने मात केली. समर्थ सेवा मनुष्याचे प्रत्येक संकटात खंबीरपणे साथ देत असते. संजीवनी उद्योग समुहात काम करतांना अनेक गोष्टींची शिकवणुक मिळाली ती सेवानिवृत्तीनंतरही उपयोगी पडणारी आहे. स्पर्धेत सहकारी साखर कारखानदारीने काय आत्मसात करावे याची शिकवण माजी मंत्री स्व. शंकरराव कोल्हे, संजीवनी उद्योग समुहाचे अध्यक्ष बिपीनदादा कोल्हे, माजी आमदार स्नेहलताताई कोल्हे, युवा नेता विवेकभैय्या कोल्हे यांनी दिली.
याप्रसंगी इंजिनीयर चीफ केमिस्ट राजसाहेब, इंजिनीयर शेळके साहेब, डमाळे साहेब, मोरे साहेब, बागडे साहेब, सुनील वक्ते, राजेंद्र वक्ते तसेच विभागातील सर्व सहकारी कर्मचारी उपस्थित होते. कार्यक्रमाचे प्रास्तविक शशिकांत वक्ते यांनी केले केले. सुत्रसंचालन नितीन गाडे व आभार गिरीष कुलकर्णी यांनी मानले.
