जेऊर कुंभारी वार्ताहर
दि २३ मार्च २०२४- नुकतीच कोपरगाव येथे उत्तर नगर जिल्ह्यातील रिपब्लिकन पार्टी ऑफ इंडियाच्या गटातील नेते व कार्यकत्यांची बैठक संपन्न झाली असता यात केंद्रीय मंत्री रामदास आठवले यांना भारतीय जनता पार्टी कडून शिर्डी लोकसभा मतदार संघातून उमेदवारी मिळण्याची साशंकता असल्याने सर्वानुमते केंद्रीय मंत्री रामदास आठवले यांचे खंदे समर्थक तथा समाजभूषण माजी जिल्हा परिषद सदस्य दिपकराव गायकवाड यांनी शिर्डी लोकसभा मतदार संघातून अपक्ष उमेदवारी अर्ज भरत निवडणूक लढण्याचा निर्णय घेतला आहे.शिर्डी लोकसभा मतदार संघामध्ये बौध्द समाजाचे अडीच लाखाहून अधिकचे मतदान असूनही भाजप, शिवसेना, काँग्रेस, राष्ट्रवादी काँग्रेस या पक्षांनी बौध्द समाजास नेहमीच दुजाभाव करत डावलले आहे त्यामुळे नेहमीच गटबंधनाचा धर्म पाळूनही या पक्षांनी बौध्द समाजास या मतदार संघामधून निवडणूक लढविणेची संधी नाकारली आहे. पंधरा वर्षांपूर्वी नामदार रामदासजी आठवले यांना कांग्रेस कडून उमेदवारी दिली, परंतु त्यावेळी अॅट्रॉसिटीचा मुद्दा उपस्थित करून नवखे उमेदवार भाऊसाहेब वाकचौरे यांनी ना. आठवलेचा दारुण पराभव केला.या पराभवाची सल दलीत समाजाच्या मनातून अजून गेली नाही म्हणून त्याचा वचपा काढण्यासाठी समाज भूषण नामदार आठवले यांचे खंदे समर्थक दिपकराव गायकवाड यांनी शिर्डी लोकसभा मतदार संघातून अपक्ष निवडणूक लढविण्याचा निर्णय घेतला असून दिपकराव गायकवाड सन १९७९ पासून दलित चळवळीत अविरतपणे कार्यरत असून दिपकराव गायकवाड यांनी पँथर पासून शाखा अध्यक्ष या पदापासून नामदार रामदासजी आठवले साहेब यांच्या खांद्याला खांदा देवून संपूर्ण जिल्ह्यात गाव तेथे पँथरची शाखा काढून आज पँथर ते आरपीआय नेता असा प्रवास करीत असतांना जेऊर कुंभारी येथील
ग्रामपंचायत सदस्य पदापासून ते जिल्हा परिषद सदस्य पदापर्यत पदे भूषवून सर्व समाजाचे प्रश्न सोडविण्यासाठी प्रयत्न करत असून त्यांचा या कार्याची दखल घेऊन त्यांचा राज्य शासनाच्या समाज भूषण या पुरस्काराने माजी मुख्यमंत्री देवेंद्र फडणवीस याच्या हस्ते नागपूर येथे गौरव करण्यात आला त्यामुळे अशा या सामाजिक चळवळीत अग्रेसर असणारे गायकवाड हे अपक्ष निवडणूकीस सामोरे जाणार असल्याचे या बैठकीत ठरले असून या प्रसंगी रिपब्लिकन सेनेचे जिल्हाध्यक्ष यादवराव त्रिभुवन, राज्य सदस्य परशराम साबळे, तालुका अध्यक्ष विजयराव शिंगाडे आदी रिपब्लिकन पक्षाचे कार्यकर्ते उपस्थित होते.
