जेऊर कुंभारी वार्ताहर
कोपरगाव तालुक्याच्या ग्रामिण भागातील अग्रगण्य जिजाई बहुउद्दशीय संस्थेच्या जोगेश्वरी इंटरनॅशनल स्कुलचे वार्षिक स्नेहसंमेलन प्रमुख पाहुणे यांच्या उपस्थित मोठया उत्साहात पार पडला दि.१० मार्चच्या रम्य सायंकाळी नेत्रदिप विद्युत रोशनाईत संपन्न झालेल्या या भव्यदिव्य कार्यक्रमात प्रथम श्री.सय्यद बाबा शेख ,श्री .किरण भाऊ होन, श्री. सचिन भाऊ होन,श्री वसिम शेख श्री जिनिंग प्रेसिंग संचालक
शंकर गुरसळ, श्री.सुधाकर होन संस्थेचे अध्यक्ष श्री. भास्करराव होन व उपाध्यक्षा सौ. अलकाताई होन,संस्थेचे सचीव श्री.सुनील होन व सौ. अश्विनी होन ,संस्थेचे संचालक श्री सागर होन व सौ.पल्लवी होन संस्थेच्या प्राचार्या सौ.ज्योती खरात यांच्या हस्ते छत्रपती शिवाजी महाराज, सरस्वती माता व सावित्रीबाई फुले, यांच्या प्रतिमांचे पुजन करण्यात आले. संस्थेच्या वतीने सर्व मान्यवरांचे सत्कार करण्यात आले. तसेच श्री. अशोक होन सर यांनी सर्व पालकांच्या वतीने संस्थेचे अध्यक्ष श्री. भास्करराव होन सर यांचा सत्कार केला व आपले मनोगत व्यक्त केले.
जोगेश्वरी इंटरनॅशनल स्कुल आयोजित मैदानी वार्षिक खेळांच्या स्पर्धेचे,ब्लॅक पॅंथर क्रिकेट संघ व जिंदा लायन खो- खो संघ या विजेता संघास मान्यवरांच्या हस्ते बक्षीस वितरण करण्यात आले. त्यानंतर विद्यार्थ्यांनी सांस्कृतीक कार्यक्रमाच्या माध्यमातुन आपल्या कलागुणांचे भव्यदिव्य प्रदर्शन केले यात इयत्ता चौथी,पाचवी व सहावी च्या विद्यार्थ्यांनी गणेश वंदना या गाण्याने सुरूवात केली.त्यानंतर एल के जी .च्या ओ माय फ्रेंड गणेशा व गोलमाल ” या गीताला प्रेक्षकांनी अक्षरशा डोक्यावर घेतले. यु के जी च्या विद्यार्थ्यांनी चक धुम धुम आणि फर्स्ट क्लास या गाण्यावर नृत्य सादर केले. पहिलीच्या विद्यार्थ्यांनी दिल ना दिया आणि जिस देश मे गंगा रहता है व ओ देश मेरे या गाण्यावर नृत्य सादर केले. दुसरीच्या विद्यार्थ्यांनी मै निकला गड्डी लेके आणि मुलींनी बाई पण भारी देवा या गाण्यावर नृत्य सादर केले. तिसरीच्या विद्यार्थ्यांनी अस्ते कदम या गाण्यातून शिवाजी महाराजांना मानवंदना दिली.व काही विद्यार्थ्यांनी गोविंदा या अभिनेत्याला नृत्य समर्पित केले .पाचवीच्या विद्यार्थ्यांनी जय श्रीराम व हनुमान यांचे गुणगान केसर का लाल व भारत का बच्चा बच्चा जय श्रीराम बोलेगा या गाण्यावर नृत्य सादर केले.चौथी ,पाचवी व सहावी च्या विद्यार्थ्यांनी तानाजी मालुसरे यांच्या जीवनावर आधारित नृत्य – नाट्य सादर केले व तसेच भगतसिंग, सुखदेव व राजगुरू या क्रांतीकारकांच्या जीवनावर देखील नृत्य-नाट्य सादर केले. वरील सर्व नृत्यांनी प्रेक्षकांची मन जिंकून घेतले.
कार्यक्रमाचे प्रास्तविक सौ.श्रध्दा होन तर सुत्रसंचालन सौ. स्वाती वक्ते यांनी केले,व सौ. सविता होन यांनी. आभार मानले.मंचावरील सर्व नियोजन श्री. प्रसाद गवळी सर यांनी पार पाडले. शिक्षकेतर कर्मचारी श्री. बाळासाहेब होन, श्री. शिवाजी जाधव, श्री. वाल्मिक होन व सौ. मुक्ता तुवर यांनी विशेष हातभार लावले.
या कार्यक्रमास तालुक्यातील सर्व क्षेत्रातील मान्यवर तसेच शिक्षक, विद्यार्थी,व पालकवर्ग या सह ग्रामस्थ उपस्थितीत होते.
