जेऊर कुंभारी वार्ताहर
मराठी राजभाषा गौरव दिनाचे औचित्य साधून गिरमेवस्ती शाळेत बाल आनंद मेळावा उत्साहात पार पडला.
शाळेतील सर्व विद्यार्थी या मेळाव्यात हिरिरीने सहभागी झाले होते.
पालकांच्या हस्ते रांगोळी प्रदर्शनाचे उद्घाटन करून मेळाव्याची सुरुवात झाली. विद्यार्थीनींनी काढलेल्या रंगबेरंगी रांगोळ्या पाहून पालक वर्ग आनंदी झाला.
विद्यार्थ्यांनी आपल्या शेतातील ताजा भाजीपाला, फळे मोठ्या प्रमाणात विक्रीस आणले होते. खाऊ गल्लीमध्ये विद्यार्थ्यांनी विविध पौष्टिक पदार्थ घरून बनवून आणले होते. पैशाची देवाण घेवाण रोख स्वरूपात तर काही विद्यार्थ्यांनी ऑनलाइन पेमेंटची सुविधा दिलेली होती.
पालक , ग्रामस्थ व विद्यार्थी यांनी खाऊ गल्लीचा मनसोक्त आनंद लुटला.
व्यावहारिक ज्ञानात भर पडावी, प्रत्यक्ष अनुभवातून शिक्षण मिळावे, धाडसी वृत्ती वाढावी यासाठी बाल आनंद मेळावा घेण्यात आला.
कार्यक्रमाच्या यशस्वीतेसाठी मुख्याध्यापिका प्रियंका जोशी, उपशिक्षक अनुज ढुमणे, सुदाम साळुंके यांनी परिश्रम घेतले.
याप्रसंगी शा.व्य. समिती अध्यक्ष व सदस्य, पालक, ग्रामस्थ, विद्यार्थी व शिक्षक उपस्थित होते.
