जेऊर कुंभारी वार्ताहर
जेऊर कुंभारी येथील हॕरिसन ब्रँच शाळेत शिवजयंती शिवप्रतिमेचे पूजन करून विविध कार्यक्रमांनी साजरी करण्यात आली.कार्यक्रमाच्या अध्यक्षस्थानी शाळेच्या मुख्याध्यापिका रंजना डोंगरे या होत्या.
शिवाजी महाराजांच्या प्रतिमेला पुष्पहार अर्पण करुन बालसभेला सुरुवात करण्यात आली.यावेळी शर्वरी मोरे,उमेजा शेख,महेश मोरे,शिफा शेख,श्रावणी डोखे,आर्यांनी शिंदे यांची भाषणे झाली. परस्त्रीला मातेसमान वागणूक देणारा लोककल्याणकारी राजाच्या आचरणातून काही बोध आजच्या तरुण पिढीने घेतला पाहीजे.तसेच शिवाजी महाराजांच्या कर्तृत्वाचा इतिहास शाळेतील शिक्षक नवनाथ सुर्यवंशी यांनी मुलांना सांगितला.
यावेळी शाळेतील विद्यार्थ्यांनी वेशभूषेसह झुलवा पाळणा व एकच राजा इथे जन्मला ही गीते डान्स सह सादर करून उपस्थित पालक व विद्यार्थ्यांची मने जिंकली.
स्वराज्यातील रयतेची काळजी घेऊन लोककल्याणकारी कार्य करणाऱ्या शिवाजी राजाने वृक्ष संवर्धन,जलव्यवस्थापनाची कामे उत्कृष्ट पणे त्याकाळी हाती घेतली होती.आता आपणही वृक्ष लागवडीचे व पाण्याचे महत्व ध्यानात घेऊन नैसर्गिक साधनसंपत्तीचे जतन केले पाहीजे.असा मोलाचा संदेश शाळेच्या मुख्याध्यापिका रंजना डोंगरे यांनी दिला.
कार्यक्रमाच्या शेवटी पालक सभा घेऊन पालकांना मुख्यमंत्री माझी शाळा,सुंदर शाळा बाबत मार्गदर्शन करून सेल्फी अपलोड करण्याबाबत मार्गदर्शन करण्यात आले. तद्नंतर विद्यार्थ्याना खाऊ वाटप करण्यात आला. सदर प्रसंगी शाळा व्यवस्थापन समिती सदस्य रोहीत दळवी,विक्रम शिंदे,जावेद शेख, असीर शेख,संदीप पवार,दिनकर बर्डे,सतिष पवार,मनोज मोरे,अजय सोनवणे,रविंद्र माळी,दत्तू पवार,वैशाली चकोर,वैशाली डोखे,रंजना दळवी तसेच मोठ्या प्रमाणावर माजी विद्यार्थी व पालक उपस्थित होते. कार्यक्रमाचे सुत्रसंचालन नवनाथ सुर्यवंशी व आभार रंजना डोंगरे यांनी मानले.सदर कार्यक्रमात सहभागी विद्यार्थी,शिक्षक व पालकांचे गटशिक्षणाधिकारी शबाना शेख,विस्तार अधिकारी धत,केंद्रप्रमुख रावसाहेब लांडे यांनी कौतुक करून प्रोत्साहन दिले.
