कोपरगाव प्रतिनिधी
कोपरगाव तालुक्यातील चांदेकसारे ग्रामपंचायतच्या पुढाकाराने पानमळा जिल्हा परिषद प्राथमिक शाळेत सौर ऊर्जा विद्युतीकरण प्लॅन बसविण्यात आले त्यामुळे शाळेच्या वीज बिलाचा प्रश्न मिटला.पानमळा जिल्हा परिषद प्राथमिक शाळा ही गेल्या दोन-तीन वर्षांपूर्वी शिर्डी सिन्नर मार्गामुळे बाधित झाली होती.आ. आशुतोष काळे यांच्या प्रयत्नातून शाळेला नुकसान भरपाई मिळाली.बाधीत झालेल्या शाळेला जागा उपलब्ध करण्यासाठी नंतर प्रयत्न करण्यात आले.दानशुर व्यक्तिमत्त्व म्हणून मन्सूर गुलाब शेख यांनी विना मोबदला शाळेला आपली स्वतःची जागा दान दिली. इमारत पूर्ण होताच शाळेने पुन्हा एकदा कात टाकली. वाड्यावरस्त्यावरील मुले या शाळेत शैक्षणिक शिक्षण घेत असतानाही शिक्षकही आपल्याकडून गुणवत्तेच्या बाबतीत कुठलीच कसर ठेवत नाही.विविध नाविन्यपूर्ण उपक्रमातून शाळा पुढे येत असताना शाळेसाठी संगणक व डिजिटल टीव्ही च्या माध्यमातून डिजिटल सेवा उपलब्ध असल्याने वीज बिल भरण्याचा मोठा प्रश्न निर्माण झाला होता. शाळेपर्यंत रस्त्याचा प्रश्न आ. अशितोष काळे यांच्या माध्यमातून सुटला . ग्रामपंचायतचे सरपंच किरण होन ,उपसरपंच सचिन होन, ग्रामपंचायत सदस्य सुवर्ण होन, वाशिम शेख आदींनी पानमळा शाळेसाठी ग्रामपंचायतीच्या माध्यमातून सौर ऊर्जा विद्युतीकरण प्लॅन बसविण्याचे ठरवले. प्रत्यक्षात बसवून शाळेसाठी लोकार्पणही करण्यात आले.यावेळी सरपंच किरण होन ,उपसरपंच सचिन होन, मुख्याध्यापक एस एस कुळधरण, शिक्षिका जे डी गोर्डे,
शाळा व्यवस्थापन समिती अध्यक्ष बापूसाहेब नन्नवरे ,नुरमहमंद शेख, मन्सुरभाई शेख , सामाजिक कार्यकर्ते सुधाकर होन , मनोज होन अदी उपस्थित होते. शाळा व्यवस्थापन समितीचे अध्यक्ष बापूसाहेब नन्नवरे यांनी सांगितले की ग्रामपंचायत चांदेकसारे सरपंच व उपसरपंच नेहमीच जिल्हा परिषदेच्या शाळांमध्ये जाऊन सहकार्य करत आहेत. शाळेच्या विकासासाठी गावच्या ग्रामपंचायतचा सहभाग खूप मोलाचा आहे,तरच शाळा भौतिक सुविधा सोयींनी युक्त शाळा होऊ शकतात व गावचा नावलौकिक होऊ शकतो असेही ते म्हणाले. कार्यक्रमाचे सूत्रसंचालन श्रीमती गोर्डे यांनी केले तर आभार मुख्याध्यापक श्रीमती कुलधरण यांनी मानले.
