लोकनेते बाळासाहेब थोरात साहेब यांच्या वाढदिवसाच्या निमित्ताने कोपरगाव येथे शैक्षणिक साहित्य वाटप!!

कोपरगाव प्रतिनिधी
महाराष्ट्र विधानसभेतील सर्वात ज्येष्ठ सदस्य व विधिमंडळ पक्षाचे नेते माजी महसूल मंत्री आमदार बाळासाहेब थोरात यांच्या वाढदिवसानिमित्त बहुजन शिक्षण संघाचे कोपरगांवातील डॉ. बाबासाहेब आंबेडकर विद्यार्थी वसतिगृह येथे वस्तीगृहाचे अधिक्षक प्रशांतजी आहिरे व कोपरगाव तालुका काँग्रेसचे तालुकाध्यक्ष आकाश नागरे यांच्या प्रमुख उपस्थितीत शैक्षणिक साहित्य वाटप करण्यात आले.
राष्ट्रपिता महात्मा गांधी, पंडित जवाहरलाल नेहरू, इंदिरा गांधी, राजीव गांधी या राष्ट्रीय नेत्यांप्रमाणे महाराष्ट्रात यशवंतराव चव्हाण, वसंतदादा पाटील, विलासराव देशमुख या नेतृत्वाची मोठी समृद्ध परंपरा या पक्षाला लाभली आहे. या समृद्ध परंपरेचा विचार जोपासत अडचणीच्या काळात काँग्रेस पक्षाची धुरा यशस्वीपणे सांभाळत या पक्षाला सन्मानजनक विजय मिळवून देत महाविकास आघाडी सरकारमध्ये सहभाग मिळवून देण्यात यशस्वी ठरलेले काँग्रेसचे बाजीप्रभू माजी महसूलमंत्री, लोकनेते नामदार बाळासाहेब थोरात हे काँग्रेस पक्षासाठी यशस्वी प्रदेशाध्यक्ष ठरले असुन यांचा वाढदिवस विविध उपक्रमाने साजरा करण्यात आला.
वाढदिवस म्हणटले की मोठ्या प्रमाणावर बॅनर बाजी, केक, हार तुरे, पार्टी अशा प्रकारच्या अनावश्यक खर्चाला फाटा देऊन विद्यार्थ्यांना उपयोगी शालेय साहित्य वाटपाचा कोपरगाव तालुका काँग्रेसचे तालुकाध्यक्ष आकाश नागरे यांनी निर्णय घेवुन राबवलेला समाजोपयोगी अभिनव उपक्रम कौतुकास्पद असून त्याचे इतरांनी देखील अनुकरण करावे असे आवाहन देखील वस्तीगृहाचे अधिक्षक प्रशांतजी आहिरे यांनी केले. यावेळी तालुका काँग्रेस कमिटीचे सचिव रवींद्र साबळे, शहर संघटक चोटूभाई पठाण, युवक काँग्रेस शहर समन्वयक जावेद पठाण यांच्यासह आदि पदाधिकारी कार्यकर्ते मोठ्या संख्येने उपस्थित होते.