कोपरगाव प्रतिनिधी
राष्ट्रीय पात्रता परीक्षेचा राष्ट्रीय पात्रता परीक्षा (UGC-NET) निकाल नुकताच जाहीर झाला असून या परीक्षेत गौतम पब्लिक स्कूल चा माजी विद्यार्थी दानिश नूरमोहम्मद शेख हा उत्तीर्ण झालेला असून त्याने राज्यशास्त्र विषयामध्ये ३०० पैकी २०४ गुण मिळविलेले आहे.
भारतीय विद्यापीठ आणि महाविद्यालयांमध्ये सहाय्यक प्राध्यापक किंवा कनिष्ठ संशोधन फेलोशिप (जेआरएफ) मिळवण्यासाठी पात्रता निश्चित करण्यासाठीची चाचणी आहे. यूजीसी नेट ही भारतातील सर्वात कठीण परीक्षांपैकी एक परीक्षा मानली जाते व या परीक्षेत यश मिळविणाऱ्या गुणवंतांचे चे प्रमाण देखील फार कमी असते. विद्यापीठ आणि सरकारी महाविद्यालयांसाठी नेटची पात्रता अनिवार्य असून
सदर परीक्षेमध्ये प्रविष्ठ झालेल्या एकूण विद्यार्थ्यापैकी फक्त ४.५ टक्के विद्यार्थी उत्तीर्ण झालेले आहे. या विद्यार्थांमधून दानिश एक यशस्वी विद्यार्थी आहे. दानिश हा गौतम पब्लिक स्कूलचे प्राचार्य नूर शेख यांचा चिरंजीव असून मनमाड येथे कार्यरत असलेले डी. वाय. एस.पी. सोहेल शेख यांचे लहान बंधू आहे.
दानिश याने मिळविल्या यशाबद्दल संस्थेचे चेअरमन माजी आमदार अशोकरावजी काळेसाहेब, विश्वस्थ आ.आशुतोष काळे, सचिव सौ.चैतालीताई काळे सर्व संस्था सदस्य व गौतम परिवाराने दानिशचे अभिनंदन करून शुभेच्छा दिल्या आहेत.
