कोपरगाव प्रतिनिधी
राज्य शैक्षणिक संशोधन व प्रशिक्षण परिषद महाराष्ट्र पुणे आयोजित नवोपक्रम स्पर्धेत राज्यस्तरीय सादरीकरणासाठी निवड झाली आहे. राज्यातील उपक्रमशील शिक्षक व अधिकारी यांच्या सृजनशीलतेला प्रोत्साहन देण्यासाठी दरवर्षी ही स्पर्धा आयोजित केली जाते. या स्पर्धेसाठी प्राथमिक शिक्षक गटात २४ नवोपक्रम सादर झाले होते. पैकी निवडक उपक्रमांचे सादरीकरण जिल्हा शिक्षण व प्रशिक्षण संस्था संगमनेर येथे प्राचार्य डॉक्टर राजेश बनकर , वरिष्ठ अधिव्याख्याता लक्ष्मण सुपे ,जिल्हा नोडल अधिकारी डॉ. गणेश मोरे यांच्या मार्गदर्शनाखाली पूर्ण झाले.सदर स्पर्धेचा निकाल नुकताच जाहीर झाला असून प्राथमिक शिक्षिका सुनिता इंगळे (नगरपालिका शाळा क्र.६ कोपरगाव ) यांना चतुर्थ क्रमांक प्राप्त झाला. त्यांनी ‘प्रयोग इंग्रजी अध्यापनातले – इंग्रजी वर्ड वाॕल’हा विद्यार्थ्यांसाठी राबवलेला उपक्रम सादर केला होता.हा उपक्रम इंग्रजी दृढिकरणासाठी अत्यंत उपयुक्त आहे.त्यांच्या या उपक्रमाची दखल राज्य शैक्षणिक संशोधन व प्रशिक्षण परिषद पुणे यांच्यामार्फत चालवले जात असलेले शैक्षणिक मासिक ‘जीवनशिक्षण’ व जागतिक स्तरावरील नियतकालिकात दखल घेण्यात आलेली आहे.त्यांच्या या यशाबद्दल जिल्हा शिक्षण व प्रशिक्षण संस्था संगमनेरचे प्राचार्य डॉ. राजेश बनकर, वरीष्ठ अधिव्याख्याता लक्ष्मण सुपे,अरुण भांगरे,मुकुंद दहिफळे,गणेश मोरे,ज्योती निंबाळकर,कैलास सदगीर प्राथमिक शिक्षणाधिकारी भास्कर पाटील, माध्यमिक शिक्षण अधिकारी अशोक कडूस, न.पा.शिक्षण मंडळाचे प्रशासनाधिकारारी थोरात साहेब,गटशिक्षणाधिकारी शबाना शेख,मुख्याध्यापिका कल्पना निंबाळकर,सविता साळुंके,अरुण पगारे,आरती कोरडकर,शाळा व्यवस्थापन समिती अध्यक्ष अर्चना वाहुळकर,राज्यभरातील शिक्षक ,पालक,विद्यार्थी यांनी अभिनंदन केले आहे.विजेत्यांना लवकरच पारितोषिके समारंभपूर्वक प्रदान करण्यात येणार आहेत.
