कोपरगाव प्रतिनिधी
क्रीडा क्षेत्राबरोबरच संगीत, कला क्षेत्रात अग्रगण्य असणाऱ्या कर्मवीर शंकरराव काळे एज्युकेशन सोसायटीच्या गौतम पब्लिक स्कूल मध्ये संस्थेच्या माजी उपाध्यक्षा स्व. सौ सुशीलामाई काळे यांच्या २५ व्या पुण्यस्मरणानिमित्त ‘माईज गार्डन’ नावाने भव्य गुलाब बाग विकसित करून स्व.माईंना आदरांजली अर्पण करण्यात आली आहे. या ‘माईज गार्डन’ चे उदघाटन संस्थेचे विश्वस्त आ. आशुतोष काळे यांच्या प्रमुख उपस्थितीत शाळेचे माजी विद्यार्थी विजय पंडितराव जाधव यांच्या हस्ते करण्यात आले. यावेळी शाळेच्या प्रथम व द्वितीय बॅचचे विद्यार्थी मोठ्या प्रमाणात उपस्थित होते. २५ व्या पुण्यस्मरणानिमित्त आ. आशुतोष काळे यांनी सौ. सुशीलामाईंच्या आठवणींना उजाळा दिला.
या ‘माईज गार्डन’ अर्थात गुलाब बागे विषयी माहिती देतांना शाळेचे प्राचार्य नूर शेख यांनी सांगितले की, संस्थेच्या सचिव सौ. चैतालीताई काळे यांच्या संकल्पनेतून या ‘माईज गार्डन’ची निर्मिती करण्यात आली असून सदर बागेत गुलाबाच्या विविध प्रजातींची एकूण २३० रोपे लावण्यात आली आहे. बाग विविध रंगीबेरंगी फुलांनी बहरलेली आहे. बागेच्या कडेला ‘कोनो कॉरपस’ चे आकर्षक कुंपण देखील करण्यात आले आहे. एन.सी.सी. स्काऊट, गाईड व सर्व पालक वर्ग तसेच उत्तम सोनवणे, नासिर पठाण, सर्व हाउस मास्टर्स, सुनील सूर्यवंशी, गणेश पारचे, दिनकर मुठे, महिंद्रा लोकनार यांनी विशेष मेहनत घेतली असल्याचे त्यांनी सांगितले. उदघाटन सोहळ्याचे सूत्र संचालन कला शिक्षक गोरक्षनाथ चव्हाण यांनी केले. प्रास्ताविक उत्तम सोनवणे तर आभार प्रकाश भुजबळ यांनी मानले. सौ. सुशीलामाई काळे यांच्या २५ व्या पुण्यस्मरणानिमित्त शुक्रवार (१९) रोजी सायंकाळी भव्य जी.पी.एस. टॅलेंट हंट इंटर हाऊसेस प्रश्न मंजुषा स्पर्धेचे आयोजन करण्यात आले आहे. सदर स्पर्धेचे लाईव्ह प्रसारण भारतभर होणार असल्याची माहिती प्राचार्य नूर शेख यांनी यावेळी दिली. गौतम पब्लिक स्कूल मध्ये ‘माईज गार्डन’ चे उदघाटन प्रसंगी आ. आशुतोष काळे व मान्यवर.
