ओम साई ग्रामीण शिक्षण संस्थेत पत्रकाराचा सन्मान!!
कोपरगाव प्रतिनिधी
लोकशाहीचा चौथा स्तंभ म्हणून ओळखले जाणारे पत्रकार हे सर्वसमावेशीत व्यक्तिमत्व तअसल्याचे प्रतिपादन प्रसिद्ध चार्टड अकाउंटंट दत्तात्रय खेमनार यांनी ओम साई ग्रामीण शिक्षण संस्थेत संस्थेचे संस्थापक अध्यक्ष परशराम साबळे यांच्या अध्यक्षतेखाली तसेच प्रमुख पाहुणे म्हणून संत जोसेफ चर्च बिडकीन येथील फादर अंतोनी मायकल, कमलाताई बाळासाहेब सातभाई तांत्रिक ज्युनिअर कॉलेजचे प्रा.विशाल धारणगावकर, साई शक्ती इंग्लिश मिडीयम स्कूलचे प्रा.विजय जाधव आदीं मान्यवरांच्या उपस्थित दर्पणकार बाळशास्त्री जांभेकर यांच्या जयंती निमित्त आयोजित पत्रकार सन्मान सोहळ्या प्रसंगी बोलताना व्यक्त केले.याप्रसंगी लोकशाहीचा चौथा स्तंभ म्हणून निर्भीडपणे काम करत असलेले कोपरगाव तालुक्यातील व परिसरातील प्रिंट मीडिया, इलेक्ट्रॉनिक मीडिया क्षेत्रात काम करणाऱ्या पत्रकारांचा संस्थेच्या वतीने उपस्थित मान्यवरांच्या शुभहस्ते येथोचित सन्मान करण्यात आला. या प्रसंगी तर चार्टर्ड अकाउंटंट खेमनर यांनी पुढे बोलताना सांगितले की, परिसरात घडणाऱ्या सर्व स्तरांमधील चांगल्या वाईट गोष्टी जगासमोर विस्तृतपणे मांडण्याचे काम पत्रकार निर्भीडपणे करत असतो तसेच आजच्या सोशल मीडियाच्या युगात जगात घडणाऱ्या छोट्या मोठ्या गोष्टी अवघ्या काही सेकंदात आपल्या पर्यंत पोहचविण्याचे काम पत्रकार अत्यंत तत्परतेने करत आहे त्यामुळे अशा या सर्व समावेशित व्यक्तिमत्त्वाचा सन्मान करण्याचा योग मला मिळाला हे मी माझे भाग्य समजतो असे बोलून सर्व पत्रकारांना पत्रकार दिनाच्या शुभेच्छा दिल्या.
या प्रसंगी संस्थापक अध्यक्ष साबळे यांनी बोलताना सांगितले की, जगाच्या प्रगतीमध्ये पत्रकारांचे मोलाचे योगदान असून ते पत्रकारितेत बदल घडवण्याची देखील मोठी ताकद असल्याचे साबळे यांनी सांगत सर्वांना शुभेच्छा दिल्या तर फादर मायकल, जेष्ठ पत्रकार जनार्दन जगताप, साहेबराव दवंगे, सिद्धार्थ मेहेरखांब यांनी देखील आपले मनोगत व्यक्त करत सर्वांना शुभेच्छा दिल्या.तर सदर कार्यक्रमाचे सूत्रसंचालन प्रा. विजय जाधव यांनी तर उपस्थितांचे आभार प्रा.जनार्धन सुपेकर यांनी व्यक्त केले तर हा कार्यक्रम यशस्वीतेसाठी संस्थेचे निलेश देवकर, रेखा दिवे आदीं शिक्षक व शिक्षकेत्तर कर्मचारी तसेच विद्यार्थी व विद्यार्थिनींनी अथक परिश्रम घेतले.
