आ. थोरात यांच्या नेतृत्वाखाली हजारो कार्यकर्ते नागपूरकडे रवाना
कोपरगाव प्रतिनिधी –
अखिल भारतीय राष्ट्रीय काँग्रेस पक्षाच्या वतीने 138 व्या काँग्रेस स्थापना दिन निमित्ताने नागपूर येथे होत असलेल्या सभेसाठी काँग्रेसचे अध्यक्ष मल्लिकार्जुन खरगे, माजी अध्यक्ष श्रीमती सोनिया गांधी,खासदार राहुल गांधी, प्रियंका गांधी यांचे सह विविध मान्यवर उपस्थित राहणार असून या भव्य सभेसाठी विधिमंडळ पक्षाचे नेते आमदार बाळासाहेब थोरात यांच्या नेतृत्वाखाली अहमदनगर जिल्ह्यातून दहा हजार पेक्षा जास्त कार्यकर्ते जाणार असल्याची माहिती काँग्रेसचे तालुकाध्यक्ष आकाश नागरे यांनी दिली. नुकतेच संगमनेर येथील सहकारमहर्षी भाऊसाहेब थोरात सहकारी साखर कारखाना येथे अहमदनगर जिल्हा काँग्रेसच्या वतीने नागपूर सभेसाठी नियोजन बैठकीचे आयोजन करण्यात आले होते. यावेळी अखिल भारतीय काँग्रेस कमिटीचे सचिव धीरज गुजर,योगेंद्र बंटी पाटील, आमदार लहू कानडे, जिल्हा अध्यक्ष राजेंद्र दादा नागवडे, करण ससाने,हेमंत ओगले, नगर शहराध्यक्ष किरण काळे, ज्ञानदेव वाफारे,बाबासाहेब दिघे, कारखान्याचे अध्यक्ष बाबा ओहोळ, सचिन गुजर, हिरालाल पगडाल, गणपतराव सांगळे, अशोक कानडे, सुरेश थोरात, संतोष हासे,तालुका काँग्रेसचे अध्यक्ष आकाश नागरे, मिलिंद कानवडे, शहराध्यक्ष सोमेश्वर दिवटे,नवनाथ आरगडे, सुभाष सांगळे,ज्ञानेश्वर मुरकुटे, सौ.अर्चना बालोडे,सौ.पद्माताई थोरात,सुधाकर नवले, आनंद वरपे, आदींसह मान्यवर उपस्थित होते.
यावेळी आकाश नागरे बोलताना म्हणाले की, काँग्रेसचे वरिष्ठ नेते आमदार बाळासाहेब थोरात यांच्या नेतृत्वाखाली नगर जिल्ह्याची वाटचाल अतिशय चांगली आहे. थोरात साहेब पदाधिकारी यांच्यासह कार्यकर्ते यांच्या पाठीशी खंबीरपणे उभे राहुन थोरात साहेबांनी पाठबळ देण्याचे काम पहिल्यापासून केले आहे त्याचं बरोबर काँग्रेस पक्षाला सन्मान जनक परिस्थितीमध्ये आणले. काँग्रेसला येत्या निवडणुकीत चांगले दिवस राहणार असल्याने सर्व पदाधिकारी कार्यकर्ते ताकदीने काम करणार असल्याचे तालुकाध्यक्ष आकाश नागरे यांनी दिली.
