काँग्रेस पक्ष आकाश नागरे यांना ताकद देणार !!- नाना पटोले
कोपरगाव प्रतिनिधी
काँग्रेस पक्ष वाढीसाठी तसेच शासनदरबारी पाठपुरावा करून जनतेची विविध प्रश्न सोडविण्यासाठी अहोरात्र प्रयत्न कोपरगाव तालुका काँग्रेस करत आहे. करत असलेल्या कामकाजाची पक्ष पातळीवर व शासन दरबारी दखल घेतली जात असुन आगामी होणारे सर्व निवडणुकांची मोठी जवाबदारी काँग्रेसचे प्रदेशाध्यक्ष नानाभाऊ पटोले यांनी कोपरगाव तालुका काँग्रेसचे तालुकाध्यक्ष आकाश नागरे यांच्यावर देवुन कार्याची कौतुकास्पद पाठीवर थाप दिली.
नाशिक येथे महाराष्ट्र प्रदेश काँग्रेस कमिटी च्या वतीने उत्तर महाराष्ट्र विभाग जिल्हानिहाय आढावा बैठक आयोजित करण्यात आली सदरची बैठक प्रदेशध्यक्ष नानाभाऊ पटोले, ज्येष्ठ नेते बाळासाहेब थोरात, प्रदेश कार्याध्यक्ष प्रणिती शिंदे यांच्यासह आदी पदाधिकारी यांच्या प्रमुख उपस्थितीत बैठक घेण्यात आली.
काँग्रेस प्रदेशाध्यक्ष पदाची नानाभाऊ पटोले यांनी जबाबदारी स्वीकारल्यापासून पदाधिकाऱ्यांना व कार्यकर्त्यांना पक्षाकडून पाठबळ दिले जात असुन युवा पिढीला पक्षात महत्त्वाचे स्थान दिले जात आहे.
कोपरगाव तालुक्यात सर्व सामान्य व्यक्तीसह, युवक वर्ग, ज्येष्ठ नागरिक यांना काँग्रेस पक्ष हा आपला व हक्काचा पक्ष आहे असा विश्वास आजही आहे.
पक्ष वाढीसाठी कोपरगाव तालुक्यात वरिष्ठांच्या सुचनेनुसार काँग्रेस पक्षाचे कामकाज चांगल्या पध्दतीने सुरू आहे. विविध विभागांची कार्यकारिणी जाहीर होणार आहे त्यात युवा पिढीला महत्त्वाचे स्थान दिले बाबतची दखल देखील पक्ष पातळीवर घेतली असून. कार्यपद्धतीची दखल घेवून आगामी निवडणुकीची जवाबदारी देखील तालुकाध्यक्ष आकाश नागरे यांच्यावर देण्यात आली आहे.
