जेऊर कुंभारी वार्ताहर
कोपरगांव तालुक्यातील डाऊच खुर्द येथील जोगेश्वरी इंटरनॅशनल स्कूल मध्ये आषाढी एकादशी उत्साहात साजरी करण्यात आली. यावेळी विद्यार्थ्यांनी वारकरी वेशभूषा परिधान केली.तसेच विद्यार्थीनींनी पारंपारिक पद्धतीने साडी व लुगडी परिधान करून दिंडी मध्ये सहभागी झाले.चिमुकल्या वारकर्यानी उपस्थित मान्यवरांचे मन जिंकले. विठ्ठल माऊली च्या वेशभूषेत इयत्ता चौथी मधील कु रूद्रा बढे तर रुख्मिणी मातेच्या वेशभूषेत इयत्ता तिसरीतील कु आदिती होन ही होती. स्कूल च्या प्रांगणात सुंदर असे रिंगण सोहळा पार पडला.यावेळी कार्यक्रमाचे प्रमुख पाहुणे. चांदेकसारे ग्रामपंचायतीच्या विद्यमान सदस्य सौ सुवर्णाताई मनोज होन व मनोज दौलत होन हे होते.तर कार्यक्रमाच्या अध्यक्षस्थानी जिजाई बहूउददेशिय शैक्षणिक संस्थेचे अध्यक्ष भास्करराव होन व उपाध्यक्षा सौ अलकाताई भास्करराव होन या होत्या.
यावेळी विद्यार्थ्यांनी विविध भक्ती गीतांवर अतिशय सुंदर नूत्य सादर केले.या भक्तिमय गाण्यामुळे स्कूल चे वातावरण भक्तिमय झाले.त्यानंतर प्रमुख पाहुण्यांच्या हस्ते विठ्ठल रखुमाई ची महाआरती घेण्यात आली.त्यानंतर सर्व उपस्थित पालक विद्यार्थी, स्कूल व्यवस्थापन समिती सदस्य, यांना संस्थेच्या वतीने फळांचे वाटप करण्यात आले.यावेळी संस्थेचे सचिव सुनिल भास्करराव होन व व्यवस्थापकिय संचालक सागर होन, खजिनदार सौ पल्लवी सागर होन स्कूल च्या प्राचार्या सौ ज्योती खरात या उपस्थित होत्या.या कार्यक्रमाचे सूत्रसंचालन सौ स्वाती वक्ते यांनी केले.तसेच या कार्यक्रमासाठी प्रा. सौ ज्योती खरात, सौ पल्लवी होन,सौ स्वाती वक्ते ,सौ श्रध्दा पवार,सौ सविता होन,कु गवळी,कु रोहमारे, सौ शेख, या शिक्षकेनी तसेच सौ ताते,सौ तुवर, बाळासाहेब होन, वाल्मिक होन शिवाजी जाधव,या शिक्षकेत्तर कर्मचाऱ्यांनी अथक परिश्रम घेतले.
