जेऊर कुंभारी वार्ताहर
जीएसटी विभागाचे 16 मे 23 पासुन ते 15 जुलै 23 पर्यंत (तब्बल दोन महिने) देशव्यापी अभियान सुरू होणार असून यामध्ये जीएसटी अधिकारी प्रत्यक्षात येऊन विशेषतः खालील गोष्टींची तपासणी करणार आहे. १. दुकान किंवा फॅक्टरीच्या बाहेर असलेल्या बोर्डवर जीएसटी नंबर, व्यवसायाचा पत्ता व व्यवसायाचे नाव लिहिलेले असणे आवश्यक आहे.
२. मुख्य व्यवसायाच्या ठिकाणी जीएसटी रजिस्ट्रेशन सर्टिफिकेट लावलेले असणे आवश्यक आहे.
३. तसेच गोडाऊन किंवा अतिरिक्त व्यवसायाचे ठिकाण असल्यास तो पत्ता देखील जीएसटी पोर्टलवर तसेच सर्टिफिकेटवर अपडेट असणे आवश्यक आहे.
४. आपल्याजवळ खरेदी व विक्रीची बिले असणे आवश्यक आहे.
५. जर आपले शॉप किंवा फॅक्टरी भाडे तत्त्वावर असेल तर व्हॅलिड भाडेकरार असणे आवश्यक आहे.
६. जर आपण कंपोझिशन स्कीम मध्ये रजिस्टर असाल तर व्यवसायाच्या ठिकाणी त्याचा उल्लेख असणे आवश्यक आहे.
वरील सर्व गोष्टींची तपासणी जीएसटी विभागाकडून होणार असून जर वरील गोष्टींची पूर्तता नसेल तर रुपये 50 हजार पर्यंत दंड विभागाकडून लावण्यात येणार आहे. खोट्या कागदपत्रांच्या आधारे जीएसटी रजिस्ट्रेशन घेऊन टॅक्स चोरी करणाऱ्या लोकांवर ही कारवाई विशेषतः जीएसटी विभाग करणार आहे. नक्कीच या अभियानातून सरकारी तिजोरीत महसुलाची भर पडणार आहे व टॅक्स चोरी करणाऱ्यांवर ही कारवाई जीएसटी विभागाकडून होणार असल्याचे दिसून येते. तेव्हा सतर्क राहून वरील गोष्टींची पूर्तता करणे आवश्यक आहे.
