जेऊर कुंभारी वार्ताहर
सामाजिक बांधिलकी व विद्यार्थ्यांना शैक्षणिक कार्यास हातभार लागावा म्हणून बारामती कॅटल फीड्स श्रीरामपूर या कंपनीमार्फत गिरमेवस्ती शाळेत विद्यार्थ्यांना दर्जेदार वह्यांचे वाटप करण्यात आले. सदर कंपनी द्वारे वेळोवेळी समाजाचे हिताचे कार्यक्रम राबवले जातात .यावेळी बारामती कॅटल फीड्स चे कोपरगांव तालुक्याचे डिस्ट्रीब्यूटर,थोरे अँड सन्स चे संचालक राम थोरे यांनी मनोगतातून ‘विद्यार्थ्यांनी अभ्यास करून नाव उज्वल करा’असे सांगितले.कंपनीचे सेल्स अधिकारी अविनाश शिंदे साहेब यांनी कंपनीच्या सामाजिक कार्याची माहिती दिली.यावेळी शा.व्य.समितीचे अध्यक्ष बाळासाहेब सोळके यांनी सदर उपक्रमाचे कौतुक केले.कार्यक्रमाचे सूत्रसंचालन उपशिक्षक अनुज ढुमणे यांनी केले.स्वागत मुख्याध्यापिका प्रियंका जोशी यांनी केले.आभार उपशिक्षक सुदाम साळुंके यांनी मानले.
