कोपरगाव प्रतिनिधी
कोपरगाव तालुक्यातील प्राथमिक शिक्षिका जिल्हा परिषद प्राथमिक शाळा पानमळा ता कोपरगाव श्रीम.कुळधरण सुलोचना साहेबराव ,श्रीम.शितल आत्माराम मोरे प्राथमिक शिक्षिका जिल्हा परिषद प्राथमिक शाळा रवंदे ता.कोपरगाव तसेच नगर पालिका शाळा श्रीम.तरवडे मंगल किशोर मुख्याध्यापिका नगर पालिका शाळा क्रमांक १ ता कोपरगाव यांना गुरुकुल नारी शक्ती पुरस्कार जाहीर करण्यात आले आहे
सदर पुरस्काराचे वितरण श्री इंद्रजीत देशमुख सेवानिवृत्त अतिरिक्त मुख्य कार्यकारी अधिकारी ग्रामविकास विभाग कोल्हापूर (उत्तम मोटिव्हेशन स्पीच देणारे)यांच्या हस्ते होणार आहे
हा एक नारीशक्तीस केलेला खूप मोठा सन्मान आहे. या तीनही शिक्षिकांचे कार्य अतिशय उत्तम असून, उपक्रमशील, विद्यार्थी प्रिय,गुणवत्तापूर्ण शिक्षण देण्याऱ्या स्त्री शक्तीचा हा सन्मान आहे श्रीमती कुळधरण सुलोचना यांनी शाळेच्या नवीन खोल्या बांधकामाचा प्रश्न सोडवून शाळेचा कायापालट केला आहे.उपक्रमशील, विद्यार्थीप्रिय,कर्तृत्ववान महिला म्हणून त्यांचा सन्मान हा त्यांचा नसून एक स्त्री शक्तीला सलाम आहे.श्रीम.शितल आत्माराम मोरे या जिल्हा परिषद प्राथमिक शाळा रवंदे ता कोपरगाव येथे प्राथमिक शिक्षिका म्हणून कार्यरत असून त्यांचा देखील विद्यार्थी घडविण्यात खूप मोलाचे योगदान आहे.कृतीयुक्त कविता,उपक्रमशील ,तसेच नावीन्य पूर्ण उपक्रम करणाऱ्या ह्या स्त्री शक्तीचा सन्मान म्हणजे नारीशक्तीला खरा सलाम आहे.तसेच नगरपालिका शाळा क्रमांक १ च्या मुख्याध्यापिका श्रीम.मंगल किशोर तरवडे ह्या देखील आपल्या प्रशासकीय कामात हातखंडा असणारे व्यक्तिमत्व आहे.सर्वांना सोबत घेऊन चालणारे उपक्रमशील विद्यार्थिप्रिय,प्रयोगशील असे हें व्यक्तिमत्व आहे.त्यांचा गौरव म्हणजे त्यांचा नसून एका स्त्री शक्तीला खरा सलाम आहे.अशा ह्या तीनही महिला शिक्षिकांचा सन्मान अहमदनगर येथे रविवारी १९मार्च २०२३रोजी कोहिनुर सांस्कृतिक भवन गुलमोहर रोड अहमदनगर येथे होणार आहे.
