जेऊर कुंभारी वार्ताहर
कोपरगांव तालुक्यातील जेऊर कुंभारी, संजयनगर येथे त्यागमुर्ती माता रमाई यांची जयंती डॉ बाबासाहेब आंबेडकर स्मारक मैदान येथे उत्साहात साजरी करण्यात आली. आर पी आय शाखा व भीमसाम्राज्य मित्र मंडळाच्या वतीने माता रमाई यांच्या प्रतिमेचे पूजन आयोजित करण्यात आले होते. यावेळी डॉ.बाबासाहेब आंबेडकर स्मारक समितीचे उपाध्यक्ष बाबुराव काकडे यांनी डॉ.बाबासाहेबांच्या स्मारकास पुष्पहार अर्पण केला. त्यानंतर उपास्थित महिलांचे हस्ते माता रमाई यांच्या प्रतिमेचे पूजन करून पुष्पहार अर्पण करण्यात आला. सदर प्रसंगी ज्येष्ठ मार्गदर्शक भास्कर वाकोडे यांनी उपस्थित जनसमुदायाला आपल्या सुखी आणि ऐशो आरामात जगत असलेल्या आयुष्यामागे माता रमाई यांचा अनमोल त्याग असल्याचे सांगितले. ग्रामपंचायत सदस्य व भीमसाम्राज्य मित्रमंडळाचे संस्थापक प्रदिप दिपकराव गायकवाड यांनी उपस्थित जनसमुदायाला माता रमाई यांच्या जयंती निमित्त शुभेच्छा दिल्या. सदर प्रसंगी संजय भालेराव, बाबुराव पवार, सोपान चव्हाण,मंदाताई वाकोडे, मंगलताई आव्हाड, अरुणा पवार, मालताबई कोळे, सावित्राबाई काकडे, सौ. चव्हाण ताई, भिमसाम्राज्य मित्रमंडळाचे अध्यक्ष सागर गायकवाड, कार्याध्यक्ष सुमित पगारे, उपाध्यक्ष दावीद धीवर,प्रविण गायकवाड, भारत गायकवाड,अवि पगारे, सचिन गायकवाड, रविंद्र पवार, सुरज चव्हाण, अजय गोरसे, महेश गायकवाड, राहुल गायकवाड, अमोल जगताप,स्वप्निल भालेराव,रावसाहेब भालेराव, आर्यन गायकवाड,श्रीनाथ पवार आदींसह आर पी आय व भीम साम्राज्य मित्रमंडळाचे कार्यकर्ते मोठ्या संख्येने उपस्थीत होते.शेवटी उपस्थितांना पेढे वाटप करुन कार्यक्रमाची सांगता करण्यात आली कार्यक्रमाचे सूत्रसंचालन सुमित पगारे यांनी केले तर दावीद धीवर यांनी उपस्थितांचे व्यक्त केले.
