जेऊर कुंभारी वार्ताहर
कोपरगावच्या गटशिक्षणाधिकारी श्रीमती शबाना शेख यांनी रेनबो इंटरनॅशनल स्कूलला शैक्षणीक आढावा घेण्यासाठी भेट दिली असता शाळेचे शैक्षणिक कामकाज पाहुन समाधान व्यक्त करत कौतुकाची थाप दिली.
याप्रसंगी शिक्षक-पालक संघाची बैठक आयोजित करण्यात आली होती. सदर बैठकीत शालेय-प्रशासन, शैक्षणीक शुल्क या संदर्भात बैठकीत चर्चा करण्यात आली.
गटशिक्षणाधिकारी शेख यांनी उपस्थितांना सुयोग्य मार्गदर्शन केले त्याचबरोबर सर्व वर्गांचे अध्ययन- अध्यापनाचे अवलोकन करून विद्यार्थ्यांसोबत संवाद साधला. त्यांनी प्रशिक्षित शिक्षकांची पडताळणी केली. शालेय वातावरण, सोयी सुविधा उत्कृष्ट दिसुन आल्या. विद्यार्थी व उपस्थित पालकांनी शालेय प्रशासन व कामकाजाबाबत समाधानी असल्याचा अभिप्राय व्यक्त केल्या. सहशालेय उपक्रम व शैक्षणीक गुणवत्ता वाढीसाठी शालेय प्रशासन व शिक्षक प्रयत्नशिल असल्याचे दिसून आले असा अभिप्राय श्रीमती शबाना शेख यांनी नोंदविला. या प्रसंगी केंद्रप्रमुख भांड सर, दहीफळे सर (पंचायत समिती, कोपरगाव), पालक शिक्षक समिती सदस्य दिनार कुदळे, ज्ञानेश थोरे, प्रशांत धूले, सौ.प्रिती हिरे, सौ.अक्षता कोठावळे,
सौ.स्मिता देशमुख, प्रशांत भास्कर, प्रसाद भास्कर, दत्ता डोखे आदी उपस्थित होते. संस्थेचे कार्यकारी संचालक आकाश नागरे यांनी उपस्थित पालकांचे गटशिक्षणाधिकारी शेख मॅडम यांचे आभार मानले.
