जेऊर कुंभारी वार्ताहर
शिक्षण महर्षी लहानुभाऊ नागरे स्थापित रेन्बो इंटरनॅशनल स्कूलमध्ये दिनांक ३ जानेवारी २०२३ रोजी क्रांतीज्योती सावित्रीबाई फुले जयंती व बालिका दिनाचे उत्कृष्ट साजरीकरण करण्यात आले . सदर प्रसंगी विश्वभारती रूरल एज्युकेशन संस्थेचे सचिव संजय नागरे उपस्थित होते विद्यार्थ्यांनी सादर केलेल्या विविध कलागुणांचे त्यांनी कौतुक केले . सदर प्रसंगी जिक्रा दारुवाले, शिवांगी जगताप या विद्यार्थीनींनी भाषणे सादर केली तर समृद्धी माकोणे या विद्यार्थीनीने सावित्रीबाईची भूमिका वठवत अप्रतिम एकपात्री नाटीका सादर केली . दत्ता डोखे यांनी बालिका दिनावर आपले विचार प्रस्तुत केले . मोनाली होन यांच्या मार्गदर्शनाखाली पाचवीच्या विद्यार्थीनींनी बालिका दिनावर आधारीत हृदयस्पर्शी नृत्याविष्कार सादर केला . या वेळी सावित्रीच्या लेकींचा अर्थात महिला शिक्षिकांचाही सन्मान करण्यात आला .प्राचार्य सुरेश शिंदे यांनी बालिका दिनाच्या शुभेच्छा देत जीवनातील स्त्रियांचे – मुलींचे महत्व आपल्या मनोगतातून मांडले . सर्व विद्यार्थी, शिक्षक , शिक्षकेत्तर कर्मचारी यांच्या सहकार्याने कार्यक्रम यशस्वी पार पडला . कार्यक्रमाचे सुत्रसंचालन स्वरा पाटील सह अंजली सिंग व नंदिनी वक्ते यांनी केले . कार्यक्रमाच्या अप्रतिम सादरीकरणाबद्दल विश्वभारती रुरल एज्युकेशन संस्थेचे अध्यक्ष – कांतीलाल आग्रवाल , उपाध्यक्ष – वनिताताई नागरे , विश्वस्त – मनोज आग्रवाल , विश्वस्त – आनंद दगडे , कार्यकारी संचालक – आकाश नागरे आदींनी शुभेच्छा देत कार्यक्रमाचे कौतूक केले .
