कोपरगाव प्रतिनिधी
कोपरगाव विधानसभा मतदारसंघातील नुकत्याच पार पडलेल्या २६ ग्रामपंचायतच्या सरपंच पदाच्या निवडणुका मोठ्या उत्साहात संपन्न झाल्या. या निवडणुकीत सर्वाधिक १५ सरपंच राष्ट्रवादी गटाचे तर भाजपचे ९ ठिकाणी सरपंच निवडून आलेत.
२९ व ३० या दोन दिवसात दोन टप्प्यातील २१ ग्रामपंचायतींच्या उपसरपंच पदाच्या निवडणुका पार पडल्या. दि ३१ रोजी शेवटच्या आणि तिसऱ्या टप्प्यातील ५ ग्रामपंचायत च्या उपसरपंच पदाच्या निवडणुक
पार पडल्या यामध्ये कोपरगाव तालुक्यातील राजकीय दृष्ट्या महत्त्वाची मानली जाणारी चांदेकसारे ग्रामपंचायतीची उपसरपंच पदाची निवडणूक प्रक्रिया पार पडली.
कोल्हे गटाचे दोन सदस्यांनी सचिन होन यांना आगोदर पाठिंबा जाहीर केला होता.
सचिन भगिरथ होन आणि वसीम सय्यद नूर शेख यांनी उपसरपंच पदासाठी अर्ज दाखल केला होता. सचिन होन विजयी त्यांना ९ मते मिळाली व विरोधी वसीम शेख यांना ५ मते मिळाली.
उपसरपंच निवडीच्या वेळी निवडणूक निर्णय अधिकारी म्हणून सहाय्यक निबंधक नामदेव ठोंबळ यांनी काम पाहिले तर ग्रामविकास अधिकारी प्रल्हाद सुकेकर, तलाठी व्ही बी माळी
यांनी सहाय्य केले. यावेळी सरपंच किरण होन, काळे कारखान्याचे संचालक शंकर चव्हाण,जोगेश्वरी इंटरनॅशनल स्कूलचे अध्यक्ष भास्कर होन, माजी संचालक आनंदा चव्हाण, अशोक होन,डॉ गोरक्षनाथ रोकडे, सुधाकर होन, भगीरथ होन, सुनिल होन, सागर होन, तुळशीदास होन, विलास चव्हाण, भिमाजी होन, नारायण होन, बशीर शेख, सर्व निर्वाचित सदस्य, अर्जुन होन, अर्जुन बोरावके, मलू होन उपस्थित होते.
चांदेकसारे ग्रामपंचायतीचा निवडणूक निकालात काळे गटाचे किरण होन हे सरपंच पदाचे उमेदवार प्रतिस्पर्धी कोल्हे गटाचे उमेदवार यांच्यावर मात करून विजयी झाले आणि १३ पैकी ११ जागा काळे गटाने (राष्ट्रवादी) जिंकून निर्विवाद वर्चस्व सिद्ध केले. २ जागा कोल्हे गटाला (भाजप) मिळाल्या.
जवळपास ५ हजार च्या पुढे लोकसंख्या असलेल्या ह्या गावात १३ सदस्य व एक लोकनियुक्त सरपंच असे १४ सदस्य संख्या असणारी ही ग्रामपंचायत राजकीय दृष्ट्या महत्त्वाची आहे.
दरम्यान मागील वेळी कोल्हे गटाची सत्ता येथे होती या निवडणुकीत सत्तांतर झाले आणि काळे गटाकडे पूर्ण बहुमताने ही ग्रामपंचायत ची सत्ता आली आहे.
