कोपरगाव प्रतिनिधी
लहानुभाऊ नागरे स्थापित रेन्बो इंटरनॅशनल स्कूलमध्ये दिनांक २४ डिसेंबर २०२२ रोजी तुलसी पुजन दिवस, मातृ -पितृ वंदना दिवस व ख्रिसमस सण संयुक्तीकरित्या साजरे करण्यात आले . सदर प्रसंगी विश्वभारती रुरल एज्युकेशन संस्थेचे सचिव – संजय नागरे उपस्थित होते . वेदीका ढोकरे या विद्यार्थीनीने तुळशीचे धार्मिक व वैज्ञानिक महत्व विषेध केले तर स्वरा पाटील या विद्यार्थीनीने आई -वडिलांचे आपल्या जीवनातील स्थान आपल्या भाषणातून व्यक्त केले यासह नियती पटेल या विद्यार्थीनीने ख्रिसमस सणाची माहिती सांगितली . मोनाली सुराळे यांच्या मार्गदनाखाली विद्यार्थ्यांनी नाटीका सादर केली तर मोनाली होन यांच्या मार्गदर्शना खाली ‘जिंगल बेल’ गाण्याच्या तालावर विद्यार्थ्यांनी नृत्याविष्कार सादर केला . नैतिक निकुंभ याने गायलेल्या गाण्याने श्रोत्यांना मंत्रमुग्ध केले . दत्ता डोखे यांनी ‘ मातृ-पितृ देवो भवः’ या विषयावर मार्गदर्शन करून विद्यार्थ्यांना संस्काराचे बाळकडू पाजले . पृथ्वीराज ठाकरे या विद्यार्थ्यांने सांताक्लॉज ची भूमिका वठवत विद्यार्थ्यांना चॉकलेट्स व भेटवस्तू दिल्या यावेळी विद्यार्थ्यांनी एकच जल्लोष केला .भारतीय संस्कृती सर्वत्र पुजनिय व वंदनिय असुन आई -वडिल आपले दैवत आहे .आपल्या दिवसाची सुरुवात आई – वडिलांच्या दर्शनाने करावी असे मार्गदर्शन प्राचार्य सुरेश शिंदे यांनी विद्यार्थ्यांना केले . तर रेन्बो इंटरनॅशनल स्कूल मधील विद्यार्थी आदर्श नागरीक तर व्हावेच परंतू थोर मातृ -पितृ भक्त बनावेत त्या दृष्टीने जीवनमूल्यांची रुजवण करणारे उपक्रम शाळेत राबविले जातील असे प्रतिपादन सचिव संजय नागरे यांनी यावेळी केले . सदर कार्यक्रमाचे सुत्रसंचालन नंदिनी वक्ते सह अंजली सिंग यांनी केले . अशा प्रकारे जीवन मूल्यांची रुजवणूक करणारे नाविण्यपूर्ण कार्यक्रम साजरे करून विद्यार्थ्यांचा सर्वांगिण विकास सुरु ठेवावा यासाठी विश्वभारती रुरल एज्युकेशन संस्थेचे अध्यक्ष – कांतीलाल आग्रवाल , उपाध्यक्ष – वनिताताई नागरे , विश्वस्त – मनोज आग्रवाल , विश्वस्त – आनंद दगडे , अर्जूनराव काळे , कार्यकारी संचालक आकाश नागरेआदींनी शुभेच्छा देत कार्यक्रमाचे कौतूक केले .
