कोपरगाव प्रतिनिधी
संजीवनी उद्योग समूहाचे संस्थापक माजी मंत्री सहकार महर्षी स्व शंकररावजी कोल्हे यांचे स्मरणार्थ
ह.भ.प. निवृत्ती महाराज देशमुख इंदुरीकर यांचे जाहीर हरिकीर्तन न्यू इंग्लिश स्कूल चांदेकसारे येथील मैदानावर मोठ्या जनसमुदायाच्या उपस्थितीत संपन्न झाले.
यावेळी व्यासपीठावर स.म. शंकरराव कोल्हे कारखान्याचे संचालक मनीष गाडे, माजी संचालक अरुण येवले, कोपरगाव ग्रामीण पोलीस स्टेशनचे पोलीस निरीक्षक दौलतराव जाधव, डॉ. गोरक्षनाथ रोकडे, साई आधार प्रतिष्ठानचे संस्थापक केशव होन, चांदेकसारे ग्रामपंचायतचे माजी उपसरपंच विजय होन, पुंजाभाऊ जावळे, आदी सह कारखान्याचे व विविध संस्थांचे पदाधिकारी उपस्थित होते.
साई आधार प्रतिष्ठान चांदेकसारे यांचे वतीने आयोजित या कीर्तनातून महाराजांनी हरिपाठातील १६ अभंगावर अत्यंत सुरेख व आपल्या विनोदी शैलीतून निरूपण केले व उपस्थित जनसमुदायाची मने जिंकली.
आपल्या शरीरास जपा व्यसनापासून दूर राहा प्रामाणिकपणे कष्ट करा आणि हरिपाठ मुखोद्गत करा तरच या मनुष्य जन्माचे सार्थक आहे असे त्यांनी ठासून सांगितले. आपल्या विनोदी शेलीत तरूणांना मार्गदर्शन करताना सांगितले की आपल्या घरातील तयार केलेले पौष्टिक अन्न खात जावे रस्त्यावरील उघड्यावर तयार केलेले अन्न खाऊ नये शेतकी महिलांनी किमान आपल्या घरासमोर घरच्या पुरता भाजीपाला केमिकल विरहीत उगवून तो खावा
स्व शंकररावजी कोल्हे यांचे सारखे जे थोर माणसं होऊन गेली ज्यांच्या रक्तात राजकारण होते त्यांचे स्मरण करताना त्यांचे कडे प्रारब्ध, प्रयत्न, साधुसंतांचा आशीर्वाद व जनतेसाठी सतत काम करण्याची तयारी या गुणांमुळे ही माणसं महान झाली.
चांदेकसारे, घारी, जेऊर कुंभारी
डाऊच बुद्रुक,डाऊच खुर्द, सोनेवाडी देर्डे कोऱ्हाळे, देर्डे चांदवड, मढी, हिंगणी, मुर्शतपूर आदीसह परिसरातील गावातून मोठा जनसमुदाय उपस्थित होता.
