कोपरगाव प्रतिनिधी
कोपरगाव तालुक्यात जेऊर कुंभारी येथील महाराष्ट्र शासन कृषी विभाग शासनमान्य सुदिशिन अॅग्रो हायटेक नर्सरीला उपविभागीय कृषी अधिकारी आयोजित पंढरपूर, मंगळवेढा, सांगोला, माळशिरस येथील ३० शेतक-यांची सहल आज दिनांक २१ डिसेंबर रोजी गोदावरी खोरे केन ट्रस्ट पोर्ट कार्य कारी संचालक दिलीपराव शिंदे यांच्या सुदिशिनी ॲग्रो हायटेक नर्सरी जेऊर कुंभारी तालुका कोपरगाव येथे भेट दिली. दिलीप शिंदे यांनी आपल्या नर्सरीत शेतकऱ्यांना विविध प्रकारची भाजीपाला रोप तयार करणे पासून लागवडी पर्यंतची सखोल माहिती दिली. तसेच स्वतः करीता लागणारे कांदा बियाणे उत्पादन तंत्रज्ञानाची व कांदा लागवडी विषयी माहिती दिली. तसेच नर्सरीतील विविध फळझाडे यांची शेतकऱ्यांनी सखोल माहिती देण्यात आली. शिंदे यांच्या नर्सरी मध्ये सर्व प्रकारचे भाजीपाला रोपे, ऊस रोपे ऑर्डर प्रमाणे तयार करून मिळतात, तसेच फळबाग व शोभिवंत झाडांची रोपे योग्य दरात मिळतात. सदर भेटी दरम्यान कृषी अधिकारी आर.जी. भांगे, कृषी सहाय्यक इंगळे आर.बी हे उपस्थित होते. कृषी सहाय्यक इंगळे.आर.बी यांनी मार्गदर्शन केले. सर्व शेतकरी व अधिकारी यांचे दिलीप शिंदे यांनी आभार मानले.
